Euskadi irailaren amaieratik aurrera hasiko da covid-19aren aurkako txertoaren laugarren dosia jartzen
Gotzone Sagardui Eusko Jaurlaritzako Osasun sailburuak ostiral honetan iragarri duenez, covid-19aren aurkako txertoaren laugarren dosia irailaren amaieratik aurrera hasiko dira jartzen Euskadin, hilaren 26aren bueltan. Bilbon izan da sailburua, Mondragon Unibertsitatearen 2022-2023 ikasturtearen hasiera ekitaldian, Iñigo Urkullu lehendakariarekin eta Jokin Bildarratz Hezkuntza sailburuarekin; Sagarduiren esanetan, Osakidetza prest dago, "beti bezala", txertatzeko, "gripearen aurka, edo covid-19aren aurka": "Garrantzitsuena da txertoak eskura izatea, eman ahal izateko", zehaztu du.
Hori dela eta, ziurtatu duenez, txertoak prest daudela baieztatu bezain laster, Osakidetzak jakitera emango du zeintzuk izango diren txertatzeko prozedurak eta nola kudeatuko duten kanpaina, aurrekoetan gripearen kanpainarekin egin dutenez. Hori izango da, nabarmendu duenez, hilaren 26aren bueltan.
Sailburuak lasaitasun mezua helarazi die herritarrei: "Prozedura prestatzen ari hara, eta ondorengo egunetan esango dugu noiz eta nora joan beharko garen" txertoa hartzera. Sagarduik zehaztu du asmoa dela irailaren azken egunetan edo urriaren hasieran ematea xehetasunen berri.
"Txertoak izango ditugu, azpiegitura dugu, eta profesional onenak ere bai. Osakidetza prozedura zehazten ari da amaitzen", erantsi du Sagarduik.
Zure interesekoa izan daiteke
EAEn 13.297 haur jaio ziren 2025ean, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Pertsona bat zauritu da Donostiako Herrera auzoko pabiloi batean, ustez eragindako sute batean
Beste hiru lagun tokian bertan artatu dituzte, kea arnasteagatik. Lehen ikerketen arabera, itxuraz, sutea nahita piztu dute. Udaltzainek hainbat pertsona atxilotu dituzte, eta ez dute baztertu gehiago atxilotzea, ikerketa oraindik irekita baitago.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Maialen Mazonen hilketaren epaiketa martxan da, herri-epaimahaiaren hautaketarekin
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, 8 urte bi abortu delituengatik eta 4 urte adingabea abandonatzeagatik.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.