Elurragatik alerta laranja ezarri dute Hego Euskal Herrian ostegunera arte
Elur denboraleak jarraipena izango du datozen orduetan, izan ere, elurrari dagokion alerta laranja ostegunera arte luzatuko da Araba, Bizkaia eta Gipuzkoa barnealdean (09:00), eta 18:00ak arte Nafarroa iparraldean eta erdialdean. Pirinioetan, ostera, alerta laranja ostiralera arte egongo da. Ipar Euskal Herrian, berriz, elurrari dagokion abisu horia ostegun goizera arte egongo da indarrean.
Euskalmeten eta Aemeten iragarpenaren arabera, elur-kota 500 metrora jaitsiko da ostegunean Araban, Bizkaian eta Gipuzkoan, eta 400-600 metrora Nafarroan.
Ostegun goizean, elur-kota 500 metrora egongo da, baina noizbehinka beherago ere egin dezake eta eguerdi aldera 600-800 metrora igoko da. Kantauri isurialdean prezipitazioa ugaria izango da, eta gainerako lekuetan zaparrada txiki-ertainak botako ditu. Halaber, trumoi-ekaitzak jo eta txingorra bota dezake, bereziki goizaldean eta Kantauri isurialdean.
Arabako, Bizkaiko eta Gipuzkoako barnealdean elurragatik ezarritako alerta laranja bihar 09:00etan amaituko da, eta orduan abisu horia aktibatuko da 18:00ak arte. Gainera, Euskalmetek beste bi abisu hori ezarriko ditu ostegunerako: prezipitazio iraunkorrengatik Kantauri isurialdean, 00:00etatik 24:00etara; eta itsasaldeko arriskuagatik, gauerditik eguerdira. Ostegunean metro koadroko 40-60 litro inguru pilatu daitezke Kantauri isurialdeko zenbait lekutan, eta 10-20 litro, ostera, gainerako tokietan.
Nafarroan, gaurtik elurragatik Pirinioetan indarrean dagoen alerta laranja foru erkidegoaren iparraldera eta erdialdera zabalduko dute gauerdian. Hortaz, ostegunean, Erribera kenduta, Nafarroa osoa alertan egongo da. Elur maila 400 metrora egongo da Kantauri isurialdean eta 6 zentimetroko lodierak espero dira, eta 5 zentimetrokoak, Nafarroa erdialdean 600 metrotik gora.
Ipar Euskal Herrian elurragatik ezarritako abisu horia gaur 10:00etatik bihar 08:00ak arte egongo da indarrean.
Uneoro, eguraldiaren iragarpena kontsulta dezakezu eitb.eus-en. Halaber, zure argazkiak eta bideoak bidali ditzakezu.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.