Itzuliak trafikoan eragingo dituen traba nagusiak
Aurtengo Itzulia Gasteiztik abiatuko da gaur eta Eibarren (Gipuzkoa) amaitu larunbatean. 62. edizio honetarako, segurtasun dispositiboa jarriko du martxan Eusko Jaurlaritzak, Ertzaintzako 260 agenteren eta hainbat udalerritako udaltzainen parte hartzearekin.
Honakoak dira trafikoan espero diren eraginak:
Astelehena, apirilak 3. 1. etapa: Gasteiz/Bastida
A-3110, Erentxunen itxiko da, Aguraingo noranzkoan.
A-132, Maeztun itxiko da 14:00ak eta 14:30 artean, gutxi gorabehera.
N-124, Errioxako muga baino lehentxeago itxiko da Logroñorako noranzkoan 15:00etan, gutxi gorabehera; itxita egongo den denbora lasterketaren garapenaren araberakoa da, baina 30 minutu izatea aurreikusten da.
N-232A, Guardian itxiko da 16:00ak eta 16:40 bitartean, gutxi gorabehera.
Eraginak Bastidan: Etapa amaierako helmuga muntatzeko.
A-124, 08:00etatik 11:00etara eta 18:00etatik 20:00etara itxiko da (AP-68ko mezu aldakorren paneletan jakinaraziko da). Desbideratzeak:
LR-124 eta A-124 errepideetako trafikoa, San Vicente de la Sonsierratik Bastidara doana, A-3202 errepidera (Haro-Urizaharra) desbideratuko da.
Briñastik iristen den trafikoa Harora desbideratuko da.
Harotik Bastida aldera doan trafikoa A-3202 errepidera itzuliko da.
Bastidako zeharbidean, 11:00etatik 16:00etara, trafikoa txandaka bideratuko da semaforoen bidez.
Asteartea, apirilak 4. 2. etapa: Viana/Leitza
Lasterketak Nafarroako bigarren mailako hainbat errepide zeharkatuko ditu. Hauek dira nagusiak:
NA-122a (Allo, Estellerria). 15:27an.
NA-120a (Bearin, Estellerria). 15:48an.
NA-700a (Bearin, Estellerria). 13:52an.
NA-170a (Ziritza, Iruñerria). 13:43an.
Lekunberriko biribilgunea. 15:24an.
Leitza. 15:16-15:43 tartean pasatuko da bertatik, eta iritsiera 17:15-17:45 artean aurreikusi dute.
Asteazlema, apirilak 5. 3. etapa: Errenteria/Villabona
Oraindik zehazteke.
Osteguna, apirilak 6. 4. etapa: Santurtzi/Santurtzi
BI-3651 errepidean, Kastrexana eta Sodupe artean, 13:15 aldera auto-ilara batzuk sor litezke, eta BI-636 errepideko (Cadaguako korridorea) irteeretan izan dezakete eragina.
Eraginik handienak 15:45etik aurrera espero dira, une horretan lasterketa Muskizen sartuko da, eta BI-734 errepidean barrena Carreras eta Nocedaletik igaroko da Santurtzi, Zierbena, Arena hondartza eta Pobeña aldera; handik BI-734 errepidera itzuliko da Muskizera, eta BI-2701 errepidea berriro hartuta, Zugaztietara igoko da, eta handik Trapagaranera, BI-3755 errepidetik jaitsi, hortik Portugaleterantz jo, eta Santurtzin amaitzeko. Hala, A-8 autobidean hainbat tarte itxiko dira:
130. irteera. Santurtzi-Ortuella, Donostiako noranzkoan
15:15 eta 16:45 bitartean itxiko da, gutxi gorabehera, trafikoa Santurtzira irtetea eragozteko, eta irekita egongo da Bilbo-Donostia noranzkoko zirkulazioa.
138. irteera. El Haya-Cobaron, Kantabriarako noranzkoan
15:30 eta 17:00ak bitartean itxiko da, gutxi gorabehera, trafikoa El Haya-Cobaron aldera irtetea eragozteko, eta irekita egongo da Kantabriarako noranzkoko zirkulazioa.
127A. eta 127B. irteera. Portugalete-Sestao eta Ortuella-Trapagaran, Kantabriarako noranzkoan.
16:15 eta 17:30 bitartean itxiko da, gutxi gorabehera, trafikoa aipatutako erreietatik irtetea eragozteko, eta libre egongo da Santurtzi erdialdekoa. Zirkulazioaren hirugarren eten hori Metropoli Hegoaldeko Saihesbideko mezu aldakorren paneletan jakinaraziko da.
Aldi berean, zirkulazioa etengo da eta arautuko da leku hauetan:
N-644 errepidetik Santurtzirako irteera, 15:30 eta 16:15 bitartean.
A-8 136. irteera Arena, Pobeña eta Muskiz aldera, 15:45 eta 16:30 bitartean.
A-8, 127. irteera Portugalete, Sestao, Ortuella eta Trapagaran aldera Bilborako noranzkoan, 16:30 eta 17:15 bitartean.
Ostirala, apirilak 7. 5. etapa: Zornotza/Zornotza
Oraindik zehazteke.
Larunbata, apirilak 8. 6. etapa: Eibar/Eibar
AP-8, 71. irteera (Eibar), bi noranzkoetan. Auto-ilarak sor daitezke 13:35etik 14:25era eta 15:15etik 17:30era bitartean.
AP-8, 64. irteera (Elgoibar), bi noranzkoetan. Auto-ilarak sor daitezke 13:40tik 14:30era bitartean.
N-634, 49. KP (Bilbo). Erabat itxiko da 13:50etik 14:40ra bitartean.
GI-2634, 33,5. KP (Azkoitia). Erabat itxiko da 14:15etik 15:00etara bitartean.
GI-631, 20,5. KP (Azkoitia). Erabat itxiko da 14:25etik 15:10era bitartean.
Eusko Jaurlaritzak herritarrei dei egiten die garraio publikoa erabil dezaten, eta, gidatu behar izanez gero, ordezko ibilbideak erabil ditzaten, denboraz ibil daitezen eta Ertzaintzaren eta udaltzaingoen jarraibideei jaramon egin diezaieten. Era berean, errepideen egoera kontsultatzea gomendatzen du 011 telefono-zenbakian, Trafikoaren webgunean, @TrafikoaEJGV Twiterreko kontuan edo TrafikoaEJGV aplikazioan.
Zure interesekoa izan daiteke
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.
Lasaitasuna errepideetan irteera operazioaren lehen orduetan, goiz nahasiaren ostean
Asteburu honetan, auto ilarak izango dira EAEko errepide sareko ohiko lekuetan, Europatik datozen ibilgailu ugari penintsularen hegoaldera doazelako.
Albiste izango dira: Udako irteera operazioa, migrazio krisia Ceutan eta La Oreja de Van Gogh Donostian
Gaurkoan Orain-en albiste izango direnen laburpena, bi hitzetan.
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.