Euria tarteko, istripu ugari izan dira Bizkaian eta Gipuzkoan
Goiz korapilotsua izaten ari da trafikoari dagokionez, lehen orduan istripu ugari izan baitira. Eusko Jaurlaritzako Segurtasun Sailak jakinarazi duenez, bi ezbehar Gipuzkoan izan dira, GI-636an (Lezo) eta AP-8an (Lasarte-Oria), eta beste biak errepide berean, A-8an, Bilbon, baina noranzko batean bata eta bestean bestea. Azkenik, 07:00ak pasatxo, beste istripu bat izan da N-637 errepidean, Txorierriko igarobidean, eta ilarak eragin ditu Galdakaoko bidean.
Ezbehar larriena Gaintxurizketan (Lezo, GI-636) izan da, 05:20an. Argitu gabeko arrazoiak tarteko, bi autok aurrez aurre egin dute talka, Errenteriako noranzkoan, eta gidariak harrapatuta geratu dira. Ospitalera eraman dituzte. Autoak errepidetik eraman bitartean, ilarak sortu dira.
06:00etan, Bizkaian, A-8an, Zorrotzako bihurguneetan (Bilbo), bi ibilgailuk elkar jo dute, eta bi errei itxi behar izan dituzte Galdakaoko noranzkoan. Ez da inor zauritu, baina pilaketak sortu dira. Handik gutxira, ibilgailu bat bidetik irten da gune berean, Kantabriako noranzkoan. Horretan ere, ez da inor zauritu.
Azkenik, AP-8an, Lasarte-Oria parean, Irungo noranzkoan, bi autoren arteko istripua izan da. Ez da inor zauritu, baina pilaketak sortu dira.
Istripuez gain, Gipuzkoan azken orduetan izandako euriteen ondorioz, ur-putzuak eta lur-jausiak izan dira hainbat puntutan. Trafiko Zuzendaritzak ohartarazi duenez, ura pilatu da N-634 errepidean, Orio parean, eta luiziak izan dira GI-638an (Mutriku) eta GI-631n (Zumarraga).
Zure interesekoa izan daiteke
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, milaka euroko kalte materialak eraginez.
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira gaur arratsaldean.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.