Euri-jasa bortitzak eta ekaitz elektrikoak eguna amaitzeko, Bilbon eta inguruetan
Igandeko azken orduak euria eta ekaitz elektriko handiak ekarri ditu Bizkaira. 19:00etan zaparrada handiak bota ditu Enkarterrin, eta metro karratuko 15,6 litro ur pilatu dira Zallako estazioan ordubetean. Galindokoan, berriz, metro karratuko 15,9 litro bildu dituzte.
20:20 aldera, Enkarterriko ekaitza Bilbo Handira zihoala ohartarazi du Euskalmetek, eta hala izan da. 20:30-21:00 aldera, euri-jasa handiak izan dira Bilbon eta inguruetan, eta ur-putzu handiak eragin dituzte. Suhiltzaileek esku hartu behar izan dute zenbait errepidetan.
Leioan ere lanean aritu dira ura sartu den lokaletatik ateratzen, eta Portugaleten, berriz, tximista bat erori da gasolindegi batean.
Euria ekaitz elektriko gogor batekin iritsi da. Bilbon argia joan da hainbat eraikinetan, EITBkoan barne, hainbat minutuz, eta zerua luzaroan argiztatu dute tximistek.
Hemen Algortan (Getxo) grabatutako irudiak:
Abisu horian euriagatik
Eusko Jaurlaritzako Segurtasun Sailak abisu horia ezarri du iganderako eta astelehenerako, prezipitazio handiak izan daitezkeelako; izan ere, 15 litro bota ditzake metro koadroko. Mendebaldean espero dira eurite handienak, kasu batzuetan kazkabar eta guzti, eta orduko 60-80 kilometroko haize-boladak izan litezke. Egoera errepika liteke asteleheneko 00:00etatik 03:00etara eta 15:00etatik 21:00etara.
Nafarroan, Aemetek alerta egoera ezarri du prezipitazioengatik eta ekaintzengatik gauerdira arte. Kazkabarra eta haize-bolada gogorrak espero dira bertan ere.
Astelehenean, ezegonkortasuna areagotu egingo da. Egunean zehar, zaparrada trumoitsuak bota ditzake han eta hemen, eta handiak izan daitezke zenbait lekutan. Haizea ahul eta aldakor ibiliko da, eta hego-ekialdekoa nagusituko da Ebroko ibarrean; isurialde atlantikoan, berriz, ipar ukitua izango du. Tenperatura minimoak zertxobait jaitsiko diren bitartean, maximoak modu orokorragoan eta nabarmenago jaitsiko dira.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.