Haserrea Baionako Udalean, debekua errespetatu ez eta faroltxoak askatu zituztelako atzo ehunka lagunek
Haize bortitza zela eta, bertan behera geratu zen larunbat iluntzean faroltxoak aireratzeko ekitaldia Baionan. Ordurako, baina, 12.000 ale salduta zeuden, eta ehunka lagunek sua piztu eta zerura botatzea erabaki zuten, euren kabuz, debekuari jaramonik egin gabe.
Gaur, faroltxoen hondakinak nonahi agertu dira Baionan: ibaiertzean, zuhaitzetan, kaleetan...
Oso haserre mintzatu da Jean Rene Etchegaray Baionako auzapeza: "Jende kopuru bat gainditzen denean, jarrera onartezinak agertzen dira. Jarrera horiek kondenatzen ditut. Faroltxoak ez ziren aireratu behar, ekitaldia debekatu egin bainuen, eguraldiagatik". Izan ere, haize handia zela eta, arriskutsua izan zitekeen horrebeste suzko faroltxo aireratzea, baina askok eta askok ez zuten debekua errespetatu.
Ekitaldia datorren larunbatera atzeratu zen ofizialki, eta hitzordu horren aurrean, "zentzuz" jokatzeko eskatu du alkateak: "Atzokoa ikusita, faroltxoen salmenta mugatuko dugu, eta guztiak saltzen direnean, ez da gehiago izango".
Faroltxoak askatzeko ekitaldi ofiziala abenduaren 16an egingo dute, 19:30ean, Errobi ibaiaren ertzean.
Aurtengoa azken edizioa izan daiteke, Pirineo Atlantikoetako prefetak debekatu egin nahi duelako datorren urterako, ikusmin handia eragiteaz gain, polemika ere eragiten baitu ikuskizunak. Izan ere, euren ibilbidea amaitutakoan, edonon erortzen dira, eta hondakin ugari sortzen dira horrela. Arrazoi horregatik beragatik, polemika izan da aurten Iruñean ere.
Zure interesekoa izan daiteke
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.