Albiste izango dira: Apirilaren 21eko hauteskundeak, Valentziako sutea eta elurragatik abisua
Honako gai hauek hartuko dituzte gaur, 2024ko otsailak 23, hedabideetako lerroburu nagusiak:
- Apirilaren 21eko hauteskundeak: Lehendakariak apirilaren 21erako deitu ditu Eusko Legebiltzarrerako hauteskundeak. Agur kutsua izan duen hitzaldian, lehendakariak eskerrak eman dizkio gizarteari, eta barkamena eskatu du egindako akatsengatik. Agintariak hiru ideiatan laburbildu ditu 12 urteko agintaldiaren "mugarri nagusiak": enplegua, hobekuntza, eta errespetua, kohesioa eta bizikidetza. Orain, hauteskunde-egutegiaren atzera kontaketa abian da; apirilaren 5ean hasiko da kanpaina.
- Sutea Valentzian: Gutxienez lau pertsona hil dira, 19 desagertuta daude eta 14 zauritu ostegun arratsaldean Valentzian, Campanar auzoan, izandako sute batean. Sua 14 altuerako eraikin bateko bosgarren solairuan piztu zen, eta ordu erdi pasatxoan zabaldu zen eraikin osora eta alboko beste batera. Egituretako espezialistek diotenez, fatxadak poliuretanoa zuen, oso suharbera den materiala. Haize biziaren eraginez, 50 eta 60 km/h-ko boladekin, are bizkorrago zabaldu zen sua.
- Elur eta olatuengatik abisuak: Louis borraska bete-betean sartu da Euskal Herrian. Euskal kostaldea alerta laranjan egongo da ostiral eta larunbat honetan, 5 metrorainoko olatuengatik. Gainera, EAEko barnealdean abisu horia egongo da elurragatik. 42 urteko zumaiar baten gorpua aurkitu dute bart Getariako uretan, Guardia Zibilaren arabera, borraskaren biktima izan da.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.