Izokina sekula iritsi gabeko lekuetara ailegatu da Nafarroan, Iparraldean uharka zahar bat eraitsi ostean
Iparraldean jaiotzen den Ugarana ibaian zegoen uharka zahar bat eraisteak sekula iritsi ez zen lekuetaraino (erregistroak daudenetik behintzat) eraman du izokina Nafarroan.
Gainbeheran dagoen espezie horrentzat albiste aparta da hori, ibaiaren eta itsasoaren artean egiten duen bizitza zikloa burutzeko oztopoak kenduta bizirauteko aukera gehiago izango dituelako eta aurre egin ahal izango dielako emari baxuko ibaiei eta tenperaturaren gorakadari, ur hotzagoetara eta oxigeno gehiago dutenera iritsi ahalko delako.
"Ez dakigu uharka noiz eraiki zen zehazki, ez dugu datua aurkitu, baina badakigu 1775an eraikita zegoela" eta XX. mende hasierara arte irin errota batek erabiltzen zuela. Ondoren, harri birrintzaile bat elikatzen zuen, azaldu dute eraisketa sustatu duen arrantzaleen federaziotik.
Bost metroko altuera zuen azpiegiturak, eta oztopo gaindiezina zen arrain guztientzat, aingirarentzat izan ezik. Azken horrek lortzen zuen igarotzea baldintza hidrologiko jakin batzuetan.
Open Rivers proiektu europarraren laguntzarekin, 2023ko udan eraitsi zuten, eta hilabete batzuk geroago, abendu amaieran, dozena erdi izokin iritsi ziren Urdazubira arrautzak errutera, lehenengo aldiz erregistroak daudenetik.
Izokinak eta beste espezie batzuk (aingira, amuarraina eta burtaina) arrautzak erruteko toki egokiagoak izatea da holako neurrien helburua, hau da, arrainak ur hotzagoetara iristea tenperaturen gorakadatik ihesi.
Azken urteotan izokin kopurua nabarmen murriztu da, horregatik, debekatu egin dute arrantzatzea Nafarroan 2023an eta 2024ean, eta espeziearen egoera antzekoa da Kantauri isurialde osoan.
Zure interesekoa izan daiteke
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.