Zuri-gorrien 25. Errege Kopak ospakizunez josiko du Bilbo asteon
Astelehen berezia zale zuri-gorrientzat. Athleticeko lehoiak etxean dira atzotik. Jokalarien eta haien senitartekoen ospakizunek luze jo zuten Sevillan. Ajearekin, baina zoriontsu iritsi ziren Bilbora atzo eguerdian.
Berehala eutsiko diote egunerokoari, garaipenak ez baititu jokalariak entrenamenduetatik salbuetsiko. Agenda, baina, ohi baino beteago dute. Igandean Vila-real aurkari izango duten partidutik arreta kendu gabe, gabarraren ilusioa gailenduko zaie asteon.
Ospakizun ofiziala ostegunean, apirilaren 11n, izango da, nahiz eta astelehenetik hasita festa giroa izango duten buruan zenbaitzuk, asteburuko biharamuna atzean utzi dutenek bereziki. 40 urteren ostean, biziki nahi izandako ametsa errealitate bihurtuko dute athleticzaleek.
Oraindik erabat argitu gabe dago osteguneko egitaraua, baina datozen egunetan emango ditu klubak horren gaineko xehetasun guztiak.
Harrera instituzionala Udalean eta Aldundian
Bilboko alkate Juan Mari Aburtok eta Bizkaiko ahaldun nagusi Elixabete Etxanobek hartuko dituzte txapeldunak behin gabarraren ibilbidea bukatuta. Aurreikusi dutenez, 18:30-19:00ak aldera iritsiko dira udaletxera.
Hori horrela, udaletxeko eskaileratan egingo diete harrera jokalariei. Ondoren, aurreskua dantzatu eta harrera omenaldia hasiko dute. Aburtok hitz egin ostean, taldeko kapitainak eta entrenatzaileak hartuko dute berba. Azkenik, balkoira irtengo dira futbolari guztiak zaleak agurtzera.
Ekitaldiak jarraipena izango du Bizkaiko Foru Aldundiaren egoitzan, 19:30etik aurrera. Athleticeko jokalariak autobusean igaroko dituzte Areatzako zubia eta Plaza Biribila, Aldundira heldu arte. Han, ahaldun nagusi Elixabete Etxanobe izango dute zain. Gutxi gorabehera Udalean egindakoa errepikatuko dute hantxe ere.
Aurreikusita dago milioi bat futbolzale batzea Bilbon.
Gabarraren ospakizuna
Athletic Clubek iragarritako planean oinarrituta, 16:30ean hasiko du ibilbidea gabarrak Getxoko Abra Itsas Klubetik, eta bi ordu geroago amaitu Bilboko udaletxeko zubiaren parean.
Taldeak eta itsas agintariek "protokolo zehatz" bat ezarri die gabarrarekin batera Ibaizabaletik joango diren ontziei.
Diketik gabarra ateratzeko maniobrak hasi dituzte
Gaur hasi dituzte gabarra Itsasmuseum itsas museotik ateratzeko maniobrak. Museoak berak jakinarazi duenez, goizeko lehen orduan hasi dira lanean, gabarra itsasadarrera lehenbailehen egon dadin.
Bilboko Metroaren zerbitzu berezia
Ostegun honetan gau osoan egongo dira trenak, garaipenaren ospakizunetara doazenen joan-etorriak errazte aldera.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.