Albiste izango dira: Araceli Tamayoren aberriratzea, Sanchez Kongresuan eta Genero berdintasunaren indizea
Honako gai hauek hartuko dituzte gaur, 2024ko maiatzaren 22an, hedabideetako lerroburu nagusiak:
- Araceli Tamayoren aberriratzea: Afganistango atentatuan larri zauritutako emakume bilbotarra gaur ekarriko dute Bilbora, eta haren aseguru-etxeak ordainduko ditu hegazkinaren kostuak. Senideek EITBri jakinarazi diotenez, Araceli "egora larrian" dago eta gaur itzuliko da bere hirira, oraindik izapideak betetzen ari direlako. Bueltan ekarriko duen hegazkina Kabuletik Samsunera (Turkia) joango da lehenengo; bertan gasolina hartu eta Bilboko Aireportura abiatuko da. Segur aski, Basurtun ospitaleratuko dute, baina bere osasun egoeraren arabera, beste ospitale batera eraman dezakete.
- Sanchez Kongresuan: Pedro Sanchez Espainiako Gobernuko presidentea Kongresuaren osoko bilkurara joango da gaur, berak hala eskatuta, Europako Kontseiluaren azken ezohiko bilera azaltzeko. Halaber, Estatu palestinarraren aitortza noiz egingo duen iragarriko du, eta Begoña Gomez bere emaztearen ustezko ustelkeria kasuari lotutako azalpenak emango ditu, hain zuzen ere, Espainiako eta Argentinako Gobernuen arteko krisi diplomatikoa gori-gori dagoenean. Osoko bilkura 09:00etan hasiko da.
- Genero berdintasunaren indizea: Eustat Euskal Estatistika Institutuak Euskal Autonomia Erkidegoko (EAE) genero berdintasunaren indizearen berri emango du. 2022ko maiatzean argitaratutako azken datuen arabera, EAEko indizea 100etik 73,1 puntutan zegoen. Adierazle sintetiko bat da eta oraindik gizonen eta emakumeen artean dauden desberdintasunak haien ongizateari eta norberaren garapenari eragiten dieten alderdi garrantzitsu batzuetan laburbiltzen ditu.
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.