Albiste izango dira: Isunak Bilboko EGEan, bronkiolitisaren txertaketa eta sailburuen ildo nagusiak
Honako gai hauek hartuko dituzte gaur, 2024ko irailaren 16an, hedabideetako lerroburu nagusiak:
- Isunak hasiko dira Bilboko EGEan: Bilboko Udala gaur hasiko da isunak jartzen baimenik gabe Emisio Gutxiko Eremuan sartzen diren ibilgailuei, behin egokitzapen epea amaituta. Bilboko Emisio Gutxiko Eremua ekainaren 15ean sartu zen indarrean eta, ordutik, sarbideen kontrola martxan egon da, baina isunak jarri beharrean, ohartarazpenak bidali dizkio araua urratu dutenei.
- Bronkiolitisaren aurkako txertaketa: Gaurtik aurrera, bigarren urtez jarraian, Osakidetzak txertoa jarriko die bronkiolitis larria izateko arrisku handiena duten haurrei. Txertoa, batez ere, jaioberriei, 3 hilabetetik beherakoei, ume goiztiarrei eta gaixotasun kronikoren bat duten 2 urtetik beherako haurrei jarriko diete. Urtero, 6.000 haurri baino gehiagori eragiten die arnas aparatuko gaixotasun horrek, eta kanpaina horren bidez, ospitaleratzeen kopurua erdira murriztu nahi dute.
- Sailburuen ildo nagusiak: Eusko Jaurlaritzako sailburuak Eusko Legebiltzarrean izango dira banan-banan gaurtik aurrera, legealdi honetarako prestatu dituzten programak zehazteko. Egunean bi agerraldi egongo dira, irailaren 25era arte. Kultura eta Hizkuntza Politikako sailburu Ibone Bengoetxea izango da lehena. Gainera, Ekonomia, Lan eta Enplegu sailburu Mikel Torresek astelehenean bertan hartuko du hitza.
Zure interesekoa izan daiteke
Zumarragan kontrol batean ihes egin duen auto-gidari baten bila ari da Ertzaintza
Ertzaintzaren ibilgailuak atzetik joan zaizkio, baina ez dute harrapatu. Gidariak autoa utzi eta ihes egin du.
Gizon bat atxilotu dute Sarrigurenen bere bikotekidearen alabari sexu-erasoa egitea egotzita
Eguesibarreko Udaltzaingoak atxilotu du ustezko erasotzailea.
"Niño Juan" bahitu dute Madrilen, 10 ertzain zauritu zituen lapur talde baten burua
Poliziaren esanetan, kontu-garbitze bat medio bahitu dute "Niño Juan", nahiz eta ez duten baztertu beste arrazoi batzuk ere egotea. Iaz, Garbera merkataritza-gunean lapur talde batek egindako lapurretaren buru izan zen bera.
Eguzkilorea, gure etxeetatik espiritu eta izaki gaiztoak usatzen dituen lorea
Eguzkiloreak sinbologiaz beterik daude Euskal Herrian, eta askoren etxe atarian egon ohi dira. Eguzkiloreak babestuta daude eta, horregatik, ezin ditugu mendietatik hartu. Debekuaren aurrean, badira eguzkiloreak ekoizten eta saltzen dituztenak. Erraz eta modu seguruan eskuratu dezakegu babesaren sinbolo bilakatu den lore hau.
Milaka pertsona joan dira hilerrietara, Santu Guztien Eguna dela eta
Bilboko hilerriaren ordutegia luzatu dute, eta Donostian eta Gasteizen autobus-zerbitzuak indartu dituzte. Iruñean aurten ez dute San Jose hilerrirako sarbidea itxi.
Gizon bat atxilotu dute Gasteizen, auto batzuen artean pixa egiten ari zen neska adingabe bat mugikorrarekin grabatzeagatik
32 urteko gizona hainbat pertsonak atxiki dute Ertzaintza iritsi arte. Komisariako eginbideen ostean, atxilotua aske utzi dute, epailearen aurrean agertzeko zain.
Apotzagako hilerria, Eskoriatzako Apotzaga elizatean dagoen hilerri zirkular berezia
Hilobietan ez dira hildakoen izenak ageri, baserri izenak baizik. Kasu batzuetan, lanbideak ere bai. Apotzagako abade Anastasio Otaduik sortu zuen 60ko hamarkadan. 20 metroko diametroa dauka, eta bisitari asko erakartzen ditu.
Manifestua aurkeztu dute euskal selekzioaren ofizialtasunaren alde eta Palestinako genozidioaren aurka
Kirol munduko hainbat eragilek dei egin diete herritarrei bi selekzioen arteko partidaren egunean, azaroaren 15ean, Bilboko Arriaga Antzokitik egingo den "Elkartasun Martxan" parte har dezaten.
22 atxilotu sendagaiak legez kanpo saltzeagatik, bat Bizkaian
Benaventeko (Zamora) paketeria-enpresa batean psikotropiko ugari detektatzean abiatu zuen Guardia Zibilak Grecofar Operazioa, eta, horren ondorioz, mediku baten errezeta pribatu andana identifikatu zituzten.
Gueñesko baso sutea kontrolpean dute berriro
Ostiral arratsaldeko lehen orduan sutea kontrolpean zegoen arren, ondoren, 22:00ak aldera, berpiztu egin zen.