Bilboko San Tomas azokak 121 ekoizle eta 235 kaseta izango ditu
Abenduaren 21ean Areatzan egingo den Bilboko San Tomas azokaren 75. edizioak 121 ekoizle eta 235 kaseta izango ditu. Gainera, Bisubi Fundazioak 4.500 babarrun anoa solidario prestatuko ditu putxeratan, eta bildutako dirua Aspanovas, Gregorio Ybarra, Norai eta Koop SF 34 elkarteentzat izango da oso-osorik.
Nora Sarasola BBKko Gizarte Ekintzako zuzendariak, Asier Abaunza Bilboko Udaleko Hiri Plangintza, Proiektu Estrategiko eta Espazio Publikoko zinegotziak eta Laura Martin Bisubi Fundazioko presidenteak hitzorduaren xehetasunak eman dituzte gaur.
09:00etatik 20:00etara, Bilboko Areatzan eta inguruan 235 kaseta egongo dira, askotariko produktuekin. Bertan, txorizodun taloa eskainiko da. Tokiko produktuak 10 kategoriatan banatuta egongo dira: haragia eta deribatuak (9 ekoizle); kontserbak (15); frutak (4); barazkiak (10); esnea eta deribatuak (24); eztia (12); ogia eta pastelak (21); landareak (2); sagardoa eta txakolina (17); eta hainbat (7).
Horrez gain, BBKk ondo egindako lana aitortuko du berriro ere, fruta, barazki, gazta, ezti, ogi, txakolina, sagardo eta posturik onena sarituz.
BBKk, gainera, belaunaldien arteko erreleboa bultzatzen jarraituko du ekoizle gazteenaren sariarekin, emakume baserritarrari sari berezia emango dio eta ekoizle baten ibilbidea aitortuko du. Sariak urtarrilaren 31n BBK Aretoan egingo den zeremonian banatuko dira.
Elkartasuna
Aurten ere, Santo Tomas Azokak bere aurpegi solidarioena erakutsiko du Bisubi Fundazioaren eskutik, Gernikako 4.500 babarrun errazio su motelean prestatuko baititu. 4 euroren truke dastatu ahal izango dira Tinglados gunean eta i soberakina publikoari eskainiko zaio 8 eurotan tupper solidarioetan eta hirugarren sektoreko elkarteen artean banatuko da, Galdakaoko Boluntarioen Gizarte Elkartearen (GBGE) bitartez.
Bildutako euro bakoitza Bizkaian gizarteratzearen eta ongizatearen alde lan egiten duten elkarteei emango zaie. Oraingo honetan, lau elkarteri zuzenduta egongo da: minbizia duten haur eta nerabeen gurasoen Aspanovas Fundazioa; pertsona gorren inklusiorako Gregorio Ybarra elkartea; gizarteratzeko kulturarteko Norai elkartea; eta Koop SF 34, San Frantzisko auzoan dagoen izaera sozialeko mikroenpresen mintegia.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.