Giro argi eta hotza asteburuan
Eguraldiari dagokionez, asteburu egonkorra izango da datorrena, Euskalmet euskal meteorologia agentziak egindako iragarpenaren arabera.
Osteguneko hodeiak alde batera utzita, eguzkia nagusitu da berriro ostiralean, eta goiak urdin-urdin egongo dira egun guztian zehar. Haizeak hego hego-ekialdetik joko du, eta horri esker, tenperatura maximoek gora egingo dute isurialde atlantikoan. Horrela, Bilbon, Donostian eta Baionan 12-13 ºC-ko maximoak aurreikusi dituzte, eta 10 ºC-ko langara ezin helduta ibiliko dira barnealdera. Minimoak ere baxuak izan dira, grafiko honetan ikus daitekeenez:
Larunbaterako ez da aldaketarik espero. Goizean, behe-lainoak, izotza eta, gainerakoan, zeru oskarbiak. Egunsentia hotza izango da berriro, eta Segurtasun Sailak abisu horia ezarriko du barnealdean tenperatura baxu eta izotzagatik. Zeropeko tenperaturak (-2 ºC) espero dira Gasteizen eta Iruñean, esaterako. Tenperatura maximoetan ez da gorabeherarik izango: 12-13 gradukoak izango dira kostaldean, eta 9koak barnealdean.
Igandean, San Sebastian egunaren bezperan, giro lehor eta egonkorrak segida izango du. Izotza egingo du, baina aurreko egunetan baino leku gutxiagotan eta intentsitate txikiagorekin. Barnealdean, termometroak zeroz azpitik dituztela esnatuko dira, eta kostaldean, 2 ºC ingurukoak. Tenperatura maximoek antzera jarraituko dute, eta 14 ºC ingurukoak izango dira Bilbon, Donostian eta Baionan, eta 9 ºC ingurukoak Gasteizen eta Iruñean.
Asteazkenera arte, behintzat, aro eguzkitsu lehor eta hotza izango da gure artean, joeraren arabera.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.