Albiste izango dira: Itzalaldiaren biharamuna, 6 hilabete Valentziako GOIDItik eta Max sarietako izendatuak
Honako gai hauek hartuko dituzte gaur, 2025eko apirilaren 29an, hedabideetako lerroburu nagusiak:
- Itzalaldiaren biharamuna: Itzalaldiaren hurrengo egunean, gaur goizean, argindarraren hornidura ia osoa berrezarri da. Red Electricak jakinarazi du penintsulako eskariaren % 99 berreskuratu dela 07:20ean. Hala ere, oraindik ere eragozpenak agerikoak dira garraio publikoan. Renfeko aldiriak etenda daude Bizkaian eta Gipuzkoan; aldiz, Bilboko metroa eta EuskoTren normaltasunez ari dira zerbitzua ematen.
- 6 hilabete Valentziako GOIDItik: Sei hilabete bete dira goialdeko borraska gertatu zenetik. 227 pertsona hil ziren ofizialki (horietako bat zortzi hilabeteko haurdun zegoen) eta pertsona batek desagertuta jarraitzen du (hiru desagerturen bila jarraitzen dute, baina bi hilda daudela adierazi dute epaitegiek). Halaber, 17.880 milioi euroko kalteak eragin zituzten. Datuak izugarriak dira: uholdeek eragin larria izan zuten 306.000 pertsonengan, kaltetutako 11.000 etxebizitza baino gehiago izan ziren, suntsitutako ibilgailuak 141.000 dira eta 552 kilometro koadroko eremuan kaltetutako 64.000 enpresa baino gehiago daude.
- Max sarietako izendatuak: 11:00etatik aurrera, aurtengo Max sarietako izendatuak jakinaraziko dituzte, 20 kategoriatan banatuta. Gayarre Iruñeko antzokiak hartuko du, ekainaren 16an, Max arte eszenikoen sariak banatzeko gala. Egile eta Editoreen Espainiako Elkarteak antolatzen ditu sariok, 1998tik.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.