Urduritasuna nagusi Bilbon, Marijaia noiz iritsiko zain
19:00etan egingo diote harrera Bilboko jaietako erreginari, Arriaga Antzokiko balkoian. Txupina lehertzearekin batera hasiko da festa, eta handik ordubetera irekiko dute txosnen esparrua.
Marijaia iazko Aste Nagusian, Arriaga Plaza beteta aurrean zuela. Artxiboko argazkia: Europa Press
2025eko Aste Nagusia lehertzeko ordu gutxi batzuk besterik falta ez direnean, urduri esnatu da Bilbo. Larunbat honetan hasi eta hurrengo igandera arte, bederatzi eguneko festa biziko du beste behin Bizkaiko hiriburuak.
18:00etan egingo dute harrera ofiziala Arriaga Antzokian, eta, ordubete geroago, 19:00etan, Marijaia aterako da antzokiko balkoira, beroari aurre eginez Arriaga Plazan bilduta izango den jendetza agurtzera. Francis Diez Doctor Deseo musika taldeko abeslariak izango du aurten pregoia irakurtzeko ardura. Txupina, berriz, Olatz Agirre Txori Barrote konpartsako kideak jaurtiko du. Eztanda horrek emango dio hasiera Bilboko Aste Nagusiari.
Txupinaren adrenalina igarota, 20:00etan irekiko dute txosnagunea, eta, horrez gain, abuztuaren 16a eta 24a bitartean izango den egitarau oparoa ere abiatuko da. Hain zuzen, aurtengo jaietarako 500 jarduera baino gehiago antolatu ditu Bilboko Udalak, eta 600etik gora, berriz, Bilboko Konpartsek.
Erasorik gabeko jaiak
Aurtengoan azpimarra berezia jarri dute gizarte eragileek erasoak ekidin eta segurtasuna bermatzearen garrantzian, eta, horren erakusgarri, aste honetan bertan, eraso matxisten, arrazisten eta LGTBIQfobikoen aurkako kanpaina bateratua aurkeztu dute Bilboko Udalak eta konpartsek, 'Errespetu Nagusia' izenpean.
Hala, Udalak segurtasun-dispositibo berezia jarriko du martxan egunotarako, eta Bilboko Udaltzaingoko langileen % 90ek parte hartuko dute horretan. Era berean, eta aurretik aipatutako kanpainaren baitan, eraso arrazisten aurrean aholkatuak emateko eta jarduteko protokolo espezifikoa aktibatuko du aurten.
Juan Mari Aburto alkateak Aste Nagusi "zirraragarri, aske eta seguru" baten alde egin du ostiral honetan, eta "errespetua eta bizikidetza" eskatu ditu.
Bestalde, Bilboko Konpartsek ere agerraldia egin dute ostiral honetan, eraso sexista, arrazista zein LGTBIfobikoen aurrean ez direla isilik geratuko eta "erantzun kolektiboa" emango dutela ohartarazteko. Bertan nabarmendu dutenez, txosnak "erreferentzia-puntuak" izango dira, eta horietan "eraso bat jasan duen edo ikusi duen edozein pertsona hurbildu ahal izango da babesa eta laguntza jasotzeko".
"Justifikaziorik gabeko polizia indarkeria" ere irmo gaitzetsi dute, eta gaineratu dute ez dutela onartuko "atxiloketa bat jipoi bihurtzerik". Ildo horretan, kritikatu egin dute "pertsonak euren jatorriagatik, larruazalaren koloreagatik edo estatus sozialagatik erreprimitzeko, umiliatzeko edo zigortzeko" erabilitako indarkeria, eta azpimarratu dute ez dutela utziko "ordena publikoaren aitzakiarekin basakeria normalizatzen".
EITBren jarraipen berezia
Jaietako ekitaldi nagusiak zuzenean jarraitu ahal izango dira EITBren telebista, irrati eta Interneteko kanalen bidez. Halaber, Bizkaiko hiriburuko festa giroaren berri emango dute albistegietan eta saio berezietan ere.
Programazio berezi horren baitako lehen hitzordu gisa, larunbat honetan zuzenean ikusi ahal izango da ETB2n eta eitb.eus-en Marijaiaren harrera, 17:55etik aurrera, Klaudio Landa eta Eider Hurtadoren eskutik, eta Egoitz Txurruka eta Soraya Vegas erreportariek Arriaga Antzokiaren barrualdekoak nahiz kanpoaldekoak elkarrizketatuko dituzte.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.