Urduritasuna nagusi Bilbon, Marijaia noiz iritsiko zain
19:00etan egingo diote harrera Bilboko jaietako erreginari, Arriaga Antzokiko balkoian. Txupina lehertzearekin batera hasiko da festa, eta handik ordubetera irekiko dute txosnen esparrua.
Marijaia iazko Aste Nagusian, Arriaga Plaza beteta aurrean zuela. Artxiboko argazkia: Europa Press
2025eko Aste Nagusia lehertzeko ordu gutxi batzuk besterik falta ez direnean, urduri esnatu da Bilbo. Larunbat honetan hasi eta hurrengo igandera arte, bederatzi eguneko festa biziko du beste behin Bizkaiko hiriburuak.
18:00etan egingo dute harrera ofiziala Arriaga Antzokian, eta, ordubete geroago, 19:00etan, Marijaia aterako da antzokiko balkoira, beroari aurre eginez Arriaga Plazan bilduta izango den jendetza agurtzera. Francis Diez Doctor Deseo musika taldeko abeslariak izango du aurten pregoia irakurtzeko ardura. Txupina, berriz, Olatz Agirre Txori Barrote konpartsako kideak jaurtiko du. Eztanda horrek emango dio hasiera Bilboko Aste Nagusiari.
Txupinaren adrenalina igarota, 20:00etan irekiko dute txosnagunea, eta, horrez gain, abuztuaren 16a eta 24a bitartean izango den egitarau oparoa ere abiatuko da. Hain zuzen, aurtengo jaietarako 500 jarduera baino gehiago antolatu ditu Bilboko Udalak, eta 600etik gora, berriz, Bilboko Konpartsek.
Erasorik gabeko jaiak
Aurtengoan azpimarra berezia jarri dute gizarte eragileek erasoak ekidin eta segurtasuna bermatzearen garrantzian, eta, horren erakusgarri, aste honetan bertan, eraso matxisten, arrazisten eta LGTBIQfobikoen aurkako kanpaina bateratua aurkeztu dute Bilboko Udalak eta konpartsek, 'Errespetu Nagusia' izenpean.
Hala, Udalak segurtasun-dispositibo berezia jarriko du martxan egunotarako, eta Bilboko Udaltzaingoko langileen % 90ek parte hartuko dute horretan. Era berean, eta aurretik aipatutako kanpainaren baitan, eraso arrazisten aurrean aholkatuak emateko eta jarduteko protokolo espezifikoa aktibatuko du aurten.
Juan Mari Aburto alkateak Aste Nagusi "zirraragarri, aske eta seguru" baten alde egin du ostiral honetan, eta "errespetua eta bizikidetza" eskatu ditu.
Bestalde, Bilboko Konpartsek ere agerraldia egin dute ostiral honetan, eraso sexista, arrazista zein LGTBIfobikoen aurrean ez direla isilik geratuko eta "erantzun kolektiboa" emango dutela ohartarazteko. Bertan nabarmendu dutenez, txosnak "erreferentzia-puntuak" izango dira, eta horietan "eraso bat jasan duen edo ikusi duen edozein pertsona hurbildu ahal izango da babesa eta laguntza jasotzeko".
"Justifikaziorik gabeko polizia indarkeria" ere irmo gaitzetsi dute, eta gaineratu dute ez dutela onartuko "atxiloketa bat jipoi bihurtzerik". Ildo horretan, kritikatu egin dute "pertsonak euren jatorriagatik, larruazalaren koloreagatik edo estatus sozialagatik erreprimitzeko, umiliatzeko edo zigortzeko" erabilitako indarkeria, eta azpimarratu dute ez dutela utziko "ordena publikoaren aitzakiarekin basakeria normalizatzen".
EITBren jarraipen berezia
Jaietako ekitaldi nagusiak zuzenean jarraitu ahal izango dira EITBren telebista, irrati eta Interneteko kanalen bidez. Halaber, Bizkaiko hiriburuko festa giroaren berri emango dute albistegietan eta saio berezietan ere.
Programazio berezi horren baitako lehen hitzordu gisa, larunbat honetan zuzenean ikusi ahal izango da ETB2n eta eitb.eus-en Marijaiaren harrera, 17:55etik aurrera, Klaudio Landa eta Eider Hurtadoren eskutik, eta Egoitz Txurruka eta Soraya Vegas erreportariek Arriaga Antzokiaren barrualdekoak nahiz kanpoaldekoak elkarrizketatuko dituzte.
Zure interesekoa izan daiteke
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.
Euskal Herriko erraldoiak ezagutu nahi? Hauek dira tradizionalenak
Herriko jaietan festarik ez da erraldoiak kalean ez badira. Batzuek pertsonaia historikoak irudikatzen dituzte; beste batzuk euskal mitologiatik datoz. Herri bakoitzak bereak ditu, bere historia eta nortasunarekin. Ezagunen eta kuttunenen errepasoa egingo dugu gaur.