Minbizidun haurren familiek etxean zainketa aringarriak jasotzeko eskubidea aldarrikatu dute
Haur minbizidunen familien elkarteek hainbat jarduera egin dituzte gaur, nazioarteko egunean, gaixotasuna bistaratzeko eta kontzientziak pizteko. Osakidetzak 60-70 minbizi kasu berri diagnostikatzen ditu urtero 19 urtetik beherakoen artean; Nafarroan, 20 bat kasu artatzen dituzte.
Otsailak 15 ditu gaur, eta Minbizidun Haurren Eguna da mundu osoan. Nazioartean urtero 400.000 ume eta neraberi (0-19 urte) eragiten dien gaixotasun larriaz ohartaraztea eta bistaratzea du helburu.
Urtero legez, minbizia duten haurren familiek ekitaldi ugari antolatu dituzte gaurko. Zaintza aringarriak etxean jasotzeko eskubidea izan dute aurten aldarri nagusia.
Araban, Aspanafoa Araban minbizia duten haurren familien elkarteak lore eskaintza berezia egin du horien alde San Martin skateparkearen ondoan landatutako zuhaitzean.
Bizkaian, Barakaldoko 33 musika taldek rock maratoia antolatu dute, eta bildutako dirua haur horien alde lan egiten duten elkarteei bideratuko diete.
Gipuzkoan, Donostia Ospitalean egin dute hitzordua, Porrotx pailazoak Aspanogiri oparitutako gereziondoaren ondoan. Horrez gain, gaur zortzi, otsailaren 22an, Aspanogik antolatutako XIII. Nordik Walking edo Ipar Martxa egingo dute Donostian. Hitzordu horretan ere, etxean zainketa aringarriak jasotzeko eskaera egingo dute.
Nafarroan, haur minbizidunen aldeko X. Ausarten Lasterketa egin dute Iruñean, Nafarroako Unibertsitateko campusetik abiatuta. Aurten 2.400 pertsonak baino gehiagok hartu dute parte bertan.
2.400 pertsonatik gora izan dira "Ausarten Lasterketan". EFE
80-90 kasu berri urtero, Hego Euskal Herrian
Hego Euskal Herrian 80-90 kasu atzematen dira urtero: 60-70 kasu Euskal Autonomia Erkidegoan eta 20 bat Nafarroan.
Horren harira, eta ikerketek duten garrantziaz jakitun, Osakidetza 64 proiektu eta azterketa kliniko garatzen ari da; izan ere, minbizia da haur eta nerabeen artean lehen heriotza-kausa. Nafarroako Unibertsitate Ospitaleko Haur eta Nerabeen Minbiziaren diziplina anitzeko Unitateak, haur onkologiari arreta esklusiboa emateko duela 5 urte sortutakoak, urtero 20 bat kasu artatu ditu sortu zutenetik, eta gaixoen biziraupen tasa handia (% 85) nabarmendu du.
Zure interesekoa izan daiteke
Azken agurra Santanderreko pasabidea hautsi eta itsasora erorita hil ziren gazteei
Barakaldoko eta Balmasedako beilatokiak eta Igollo de Camargoko (Kantabria) eliza txiki geratu dira Santanderren itsasora erorita hil ziren gazteak gogoratzeko eta azken agurra emateko.
Bullyinga egiten duten ikasleak ikastetxetik kanporatuko dituzte Nafarroan
Bizikidetzari buruzko Foru Dekretu berriak tratu txarren edo indarkeriaren kasu larrietan ikasleak eskolatik kanporatzea ere aurreikusten du. Neurriaren helburua da biktimak babestea eta haien ongizate emozionala bermatzea.
Santanderko pasabidea hautsita zegoela ohartarazi zuten istripuaren aurreko egunean, baina abisua ez zen izapidetu
Udaltzaingoak abisua jaso zuen, baina ez zuen inolako jarduketarik egin. Hala, jakinarazpena paper batean jaso zuten, baina mahaian bertan geratu zen.
24. Korrikak euskararen ezagutza unibertsala aldarrikatu du Iruñean
Aurtengo leloa, "Euskara Gara" komunitatearen izaera irekia eta askotarikoa azpimarratzeko hautatu dute. Korrikak bildutako baliabide ekonomikoak euskararen normalizazioaren aldeko lana indartzera bideratuko dira.
14 urteko kartzela-zigorra ezarri diote gizon bati Donibane Lohizunen, bi adin txikiko bortxatzea leporatuta
Erasoak 2012. urtean hasi ziren bikotekide ohiaren etxean, biktimetako batek 6 urte besterik ez zituenean. Erasotzaileak gertakariak onartu ditu, eta adin txikikoak bortxatu eta sexualki erasotzea leporatu dio epaileak.
Eusko Jaurlaritzak baieztatu du gero eta biktima gazte gehiago daudela indarkeria matxistagatik jasotzen diren deietan
2025ean, SATEVI zerbitzuak 2.054 eskatzailek egindako 3.087 arreta telefoniko erregistratu zituen, eta % 90 baino gehiago bikotekideak edo bikotekide ohiak eragindako indarkeriari lotuta izan ziren.
Horrelakoak dira euskal gazteak: prestatuak eta toleranteak, baina emantzipatzeko arazo handiak dituzte
Gazteen Euskal Behatokiak argitaratutako 'Gazteen Adierazleak' txostenak euskal gazteen erradiografia interesgarria eskaini du. Gazteen % 72,6k seme-alabak izan nahi dituzte, baina atzeratu beharko dutela uste duenak inoiz baino gehiago dira.
Santanderko pasabidea hautsi zenetik bila zebiltzan neskaren gorpua topatu dute
Asteartean istripua gertatu zenetik, gorpua agertu den inguruetan ari ziren 20 urteko Guadalajarko neskaren bila. Asteartean bertan topatu zituzten horren bost lau ikaskide eta begiralearen gorpuak (horietako hiru euskal herritarrak), pasabidea igarotzen ari zirela hori hautsi eta uretara erori ziren denak. Neska arabar bat da istriputik bizirik atera den bakarra.
El Bocaleko istripuan erreskatatutako gazteak egonkor jarraitzen du eta kontziente dago
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera. Gaurko egunean zehar, traumatismo horren bilakaera baloratzeko hainbat proba egingo dizkiote gazteari.
Euforia eta emozioa Realeko jarraitzaileen artean, Errege Kopako finalerako txartela lortuta
Realeko milaka jarraitzaile Sevillara begira daude dagoeneko, apirilaren 18ko Errege Kopako finala gertutik bizitzeko ilusioarekin. 2021ean ikuslerik gabe jokatu behar izan zen finalaren ondoren, realzaleek finalaren esperientzia bizi nahi dute.