Balik G20ko buruzagiak hartu ditu Ukrainak markatutako goi bilera egiteko
G20ko buruzagi gehienak Balira (Indonesia) iritsi dira gaur-biharretan deituta dagoen goi bileran parte hartzeko. Vladimir Putin Errusiako presidenteak, aldiz, ez du hitzorduan parte hartuko.
Ukrainako gerrak taldearen elkarrizketen zati handi bat bereganatuko du, eta Errusiaren inbasioarekiko kideen arteko desadostasunek baldintzatuko dute batzarra. Indonesiako uharte turistikoak segurtasun neurri handien artean eta festa giroan hartu ditu agintariak.
Joe Biden eta Xi Jinping Txinako eta AEBko presidenteek, hurrenez hurren, "lankidetza" sustatzearen alde egin dute goi bilera hasi baino lehen egindako batzarrean, gatazkak saihesteko eta erronka globalei aurre egiteko.
Azken egunetan Kherson hiria askatu izana goraipatu du Bidenek, Ukrainako Indar Armatuentzako "garaipen esanguratsu" gisa.
Olaf Scholz Alemaniako kantzilerrak AEBko eta Txinako presidenteek Ukrainan arma nuklearrak erabiltzeari uko egin izana nabarmendu du; arma mota hori "marra gorria" dela erantsi du.
Taiwanen auziari dagokionez, ordea, Bidenek zehaztu du "statusaren edozein aldaketaren aurka" daudela, eta munduak Taiwango itsasartean "bakea eta egonkortasuna" mantentzea espero duela.
Xi Jinping Txinako presidenteak Taiwan "zeharkatu behar ez den lehen marra gorria" dela ohartarazi dio AEBko presidenteari, eta ziurtatu du espero duela Washingtonek uhartearen balizko independentzia ez babesteko egindako promesa "betetzea".
Bestalde, Antonio Guterres NBEko idazkari nagusiak politika klimatikoak areagotzeko eskatu die bildutako buruzagiei, itzulerarik gabeko puntuetatik "oso gertu baikaude", baita elikagaien segurtasunerako eta eraldaketa digital "arduratsurako" lankidetza handiagoa ere.
Munduko 20 ekonomia aberatsenetako estatuburuen nazioarteko foroaren bezperan (berotegi efektuko isuri globalen % 80ren arduradunak, diplomatikoak gogorarazi duenez), Guterresek krisi klimatikoari aurre egiteko ikuspegi berri bat eskatu die agintariei.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.