Berlusconiri omenaldia egin diote, milaka pertsona bildu dituen estatu-hileta sinboliko batekin
Italiak agur esan dio gaur Silvio Berlusconiri, hiru aldiz lehen ministro eta komunikabideen eta futbolaren handikiari, estatu-hileta sinboliko batekin, dolu egun nazional batekin batera, 90ko hamarkadaren erdialdetik herrialde transalpinoaren bilakaera markatu duen politikari eta enpresaburuaren omenez. Estatu-hiletaren argazkiak, hemen.
Berlusconi, leuzemiak jota, astelehenean hil zen, 86 urte zituela, Milango San Raffaele ospitalean. Egun horretatik bertatik, hilkutxa Arcoreko etxean zegoen, eta gaur eraman dute Milango katedralera.
Milaka pertsona bertaratu dira Duomo plazara, Milango katedral ezagunaren parean, Silvio Berlusconiri azken agurra emateko eta ekitaldia pantaila erraldoietatik jarraitzeko. Bertan bildutakoen txaloen artean jaso dituzte gorpuzkiak. Hildako politikaria eta enpresaria gogoratzeko ikurrak erakutsi dituzte, Forza Italia bere alderdiaren eta AC Milan futbol taldearen banderak, besteak beste.
Tenpluaren barruan, lehen lerroak senideentzat eta herrialdeko erakunde nagusietako ordezkarientzat erreserbatuta egon dira, besteak beste, Errepublikako presidente Sergio Mattarellarentzat eta lehen ministro Giorgia Melonirentzat, baita Europako Batzordearen ordezkari gisa joan den Mario Draghi edo Paolo Gentiloni gobernuburu ohientzat ere.
Gainera, nazioarteko gobernuetako ordezkariak izan dira, tartean Hakan Fidan Turkiako Atzerri ministroa. Kremlinek gaur zehaztu duenez, Errusiak ez du gonbidapenik jaso, Vladimir Putin Errusiako presidenteak Berlusconiri agur esan eta egun batzuetara. "Benetako laguna" zuela esan zuen Putinek.
Mario Delpini Milango artzapezpikua buru izan da ekitaldian, eta gogorarazi du Berlusconi "zalantzarik gabe" politikari eta enpresaburu bat izan zela, baita pertsona publiko bat ere, oro har. "Baina agurtzeko eta otoitz egiteko une honetan, zer esan dezakegu? Gizon bat zen, bizi-desira bat, maitasun-desira bat, alaitasun-desira bat. Gizon bat zen eta orain Jainkoarekin egiten du topo", aldarrikatu du bertan zeudenen aurrean.
Gertukoek asteartean eman zioten azken agurra Italiako lehen ministro ohi izandakoari.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.