Zatiketa nazioartean, Hegoafrikak Israeli Gazan "jokabide genozida" izatea leporatu ondoren
Hegoafrikak Israelen aurka Nazioarteko Justizia Gortean egindako akusazioak, Gazako Zerrendan "jokabide genozida eredu" bat jarraitzeak, mundua zatitu du salaketaren aldekoen artean, Arabiar Liga, Iran, Brasil eta Kolonbia kasu, eta kontrakoen artean, AEB eta Erresuma Batua, besteak beste.
Hagako Gorteak, NBEko auzitegi gorenak, salaketari buruzko lehen saioa egin du ostegun honetan, eta Hegoafrikak Israelen bonbardaketak amaitzea eskatu du.
Palestinar Aginte Nazionalak "historikotzat" jo du nazioarteko prozesu judizial hori, eta herrialde gehiagori eskatu die babesa emateko; Benjamin Netanyahu Israelgo lehen ministroak, berriz, errefusatu egin du salaketa, eta ziurtatu du Israel "terrorismoaren eta gezurren aurka" borrokatzen ari dela.
Bestalde, Hamasek espero du nazioarteko auzitegiak Gazaren aurkako erasoaldia amaitzea eskatzea eta Israeli gerra krimenak leporatzea.
Nazio Batuen Erakundeko adituek pozik hartu dute saioen hasiera. "Hegoafrika txalotzen dugu kasu hau gortearen aurrera eramateagatik, Gazako palestinarren eskubideak inpunitatez urratzen ari diren une honetan", ziurtatu dute ohar batean, besteak beste, Francesca Albanese Palestinako giza eskubideen egoerari buruzko kontalari bereziak.
Ahmed Abulgueit Arabiar Ligako idazkari nagusiak bezperan prentsari adierazi zionez, "erabat babesten du Israelen aurkako salaketa, eta espero du bidezko epai bat, gerra etsai hau geldiarazteko eta sarraskia amaitzeko".
"Irango Errepublika Islamikoak Hegoafrikako Gobernuaren ekimena txalotu du, herri palestinarraren alde egiteagatik modu arduratsu, ausart eta ohoragarrian", azpimarratu du Atzerri Ministerioak ohar batean.
Turkiako Gobernua "pozik" agertu da Hegoafrikaren salaketarekin, eta Hagara ordezkaritza bat bidali du lehen saioa jarraitzeko, Anadolu Turkiako agentziak gaur jakitera eman duenez.
Cüneyt Yüksel ordezkaritzaren buruak adierazi duenez, "Israel duela hiru hilabetetik Gazan egiten ari den sarraskia 23.000 palestinar hil ditu, gehienak emakumeak eta haurrak, ezin da inola ere erantzunik gabe geratu; errudunek kontuak eman behar dituzte nazioarteko Justiziaren aurrean".
Bestalde, Mao Ning Txinako Atzerri Gaietarako bozeramaileak asteazkenean esan zuen bere Gobernuak "bi aldeak berehala sua etetera eta gerra amaitzera" deitu ditu.
Amerikan, Luiz Inacio Lula da Silva presidenteak asteazkenean iragarri zuen Brasilen babesa, "Zerrendako nazioarteko zuzenbide humanitarioaren urraketa nabarmenak ikusita", eta gorteak "Israeli agindu diezaion" genozidioa izan daitezkeen ekintza eta neurri guztiak berehala bertan behera uzteko.
Era berean, Kolonbiako Gobernuak salaketa babestu du, Israelgo Gobernuaren "erasoak eta neurriak genozidio-ekintzak direla argi eta garbi" ikusten baitu, ohar baten arabera.
Ameriketako Estatu Batuek, aldiz, nazioarteko auzitegia eratzeko erabili zen Erromako Estatutua ez dute berretsi eta erakunde horren hainbat ikerketaren aurka agertu dira. Washingtonek uste du "Israel genozidioa egiten ari dela dioten salaketak oinarririk gabeak" direla.
Hala ere, Israelek "Hamasen aurkako operazioetan nazioarteko lege humanitarioa betetzeaz gain, zibilei egindako kaltea prebenitzeko eta nazioarteko lege humanitarioaren urraketen akusazio sinesgarriak ikertzeko modu gehiago bilatu behar ditu", azpimarratu du Etxe Zuriak.
Asteazkenean, David Cameron Erresuma Batuko Atzerri ministroak esan zuen ez zuela uste Hegoafrikaren ekimena "lagungarria" denik.
Zure interesekoa izan daiteke
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iranek bidalitako bake plana aztertu egingo duela esan du orain Trumpek
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.