Milaka pertsona atera dira kalera Parisen, Gisele Pelicoten alde
Milaka manifestarik euren babesa helarazi nahi izan diote larunbat honetan Gisele Pelicoti, senarrak hainbat urtez drogatu zuen emakumeari, dozenaka gizonek bortxa zezaten. Justiziaren papera salatu dute eta Espainiako Estatua indarkeria matxistaren kontrako borrokaren adibide on gisa jarri dute, La Manada kasuaren ostean izandako aldaketak gogora ekarriz.
Avignonen, Dominique Pelicot Giseleren senarraren eta bortxaketetan parte hartzeagatik akusatutako beste 51 gizonen aurkako epaiketa mediatikoa hasi eta 10 egunera, protestak deitu dituzte Frantziako Estatuan, emakumeen aurkako bortxaketa kasuak ikertu eta zigortzeko garaian Justiziak duen laxotasuna eta Poliziaren eraginkortasun eza salatzeko.
"Prozesu hau (Gisele Pelicot) historikoa izatea lortuko dugu, egunero idazten baitit emakumeren batek ni Gisele Pelicot naiz" nabarmendu du Fondation Femmes elkarteko Anne-Cecile Mailfertek. "Zigorgabetasun eta bortxaketaren kulturaren aurka borrokatuko gara, bortxaketaren salaketen % 90 baino gehiago ez direlako izapidetzeko onartzen, gehienak ikertu ere ez direlako egiten", salatu du.
"Bortxatzaile, ikusten zaitugu; biktima, sinesten zaitugu", izan da protestan parte hartu dutenek gehien oihukatu duten leloetako bat. Gizonak ere batu dira protestara, eta haientzat ere mezua izan du Mailfertek: "Zuetako asko ikusten ditut hemen, eta pozten naiz, oso paper garrantzitsua duzuelako. Zuen parekoei esan behar diezue: ez bortxatu".
Ildo horretan, kultura patriarkalak sistema poliziala eta judiziala menpean dituela ere salatu dute. "Justizia errespetatu beharra daukagula esaten digute, baina Justiziak ez ditu emakumeak errespetatzen. Bortxaketen % 5 bakarrik zigortzen dituzte", ohartarazi du aktibistak.
Baionan ere elkarretaratzea izan da eguerdian, "Lotsa aldez aldatuko dugu'' lelopean.
Zure interesekoa izan daiteke
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".