Albiste izango dira: II. Mundu Gerraren bukaeraren 80. urteurrena, autokarabanen gorakada eta Copernicus
Honako gai hauek hartuko dituzte gaur, 2025eko apirilaren 15ean, hedabideetako lerroburu nagusiak:
- 80 urte II. Mundu Gerra amaitu zela: 1945eko irailean bukatu zen II. Mundu Gerra, eta amaiera hura gogoan, Pragan (Txekiar Errepublika) holokaustoaren biktimen omenezko ekitaldiak izango dira gaur. Biktimak ez ezik, Frantisek Suchy Pragako errausketa-labeko arduraduna ere goratuko dute, izan ere, 2.000 fusilatutakoen gorpuak eta errautsak identifikatu eta gorde zituen, isilpean. Antolatutako ekitaldien artean, Gernikako Arbolaren kimu bat landatuko dute, eta Oier Plazaren "Popel" dokumentala estreinatuko dute. EITBren partehartzea duen lan honek sei errepublikanoen, tartean Anjel Lekuona bizkaitarraren, historia kontatzen du; Suchy jaunaren jardunari esker, euren berri izan ahal izan zuten euren oinordekoek.
- Autokarabanen gorakada: Autokarabanak goraldi betean daude, eta gero eta jende gehiagok aukeratzen du ibilgailu mota hori bidaiatzeko. EAEn eta Nafarroan horiek aparkatzeko hainbat gune daude, baina nahikoak al dira? eitb.eus-ek Sorbeltz euskal autokarabanen elkartearekin eta Tximeleta nafarrarekin aztertu du egoera.
- Copernicus txostena: 2024. urtea Europako beroena izan zen erregistroak daudenetik, Copernicuseko Klima Aldaketaren Zerbitzuaren (C3S) eta Munduko Meteorologia Erakundearen txostenaren arabera. Arreta berezia eskaini diote Valentziako goialdeko depresioaren gisako fenomeno klimatikoei.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.