Iranek Israelekin duen gatazkari amaiera eman nahi dio, 'The Wall Street Journal' AEBko egunkariaren arabera
Hori bai, bada Teheranek mahai gainean jarri duen baldintza garrantzitsu bat: Washingtonek ez dezala bat egin Israelen erasoekin modu aktiboan. Egunkari estatubatuarrak "Europako eta Ekialdeko iturriak" aipatzen ditu.
Iranek herrialde arabiarren bidez jakinarazi du Israelekin duen gatazkari amaiera eman nahi diola, lau eguneko erasoen ostean, eta programa nuklearrari buruzko negoziazio mahaira itzuli nahi duela, The Wall Street Journal egunkariaren arabera. Hedabide estatubatuarrak "Europako eta Ekialdeko iturriak" aipatzen ditu.
Mezu honen azken hartzailea, negoziatzeko borondatearekin, bikoitza da: Israel eta Ameriketako Estatu Batuak.
Hori bai, bada Teheranek mahai gainean jarri duen baldintza garrantzitsu bat: Washingtonek Israelen erasoekin aktiboki bat ez egitea, nahiz eta ziurtzat jo AEBk Israeli laguntza logistikoa ematen diola. Izan ere, Irango erretorikak errepikatu egin du azken egunetan Washington erasoen "konplizetzat" jotzen duela.
Iturri arabiarrek nabarmendu dutenez, erasoak murrizteak (azken hamarkadetan okerrenak) arnasa eman diezaioke Teherani, nazioartearen laguntza biltzeko; izan ere, Israelek "irtenbide diplomatikoa" behar duela uste dute, ez baita argi ikusten zein izan daitekeen bere estrategia epe laburrera eraso olde honetan.
Nahiz eta Israelek hainbat instalazio nuklear kaltetu eta programa atomikoaren arduradun diren zenbait zientzialari irandar hil, ez du lortu Fordoko lantegiari funtsean eragitea, horretarako teknologia estatubatuarra beharko lukeelako, orain arte ez duena, komunikabidearen arabera.
Erasoak Israelera zabaltzeko eta programa nuklearra bizkortzeko gaitasuna
Teheranek helarazi duen mezua ez da negoziatzeko borondatea azaltzeko soilik, ohartarazpen bat ere baduelako: Iranek Israelera erasoak hedatzeko eta programa nuklearra azkartzeko gaitasuna duela dio, Washingtonek negoziazio mahai horretara itzultzeko borondaterik ikusten ez badu.
Egunkariaren arabera, hiru estatu arabiar (Saudi Arabia, Qatar eta Oman) Washingtoni presioa egiten saiatzen ari dira, Donald Trump AEBko presidentearen Gobernuak Israel behartu dezan deklaratu gabeko gerra geldiaraztera, argudiatuz petrolioaren prezioaren igoera kezkagarria eragiten ari dela eta eskualdean zehar zabaltzeko benetako arriskua dagoela.
Nazioarteari buruzko albiste gehiago
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.