Borraska batek 100 km/h-tik gorako haize ufadak eta 5 metrotik gorako olatuak eragingo ditu
Eusko Jaurlaritzako Segurtasun Sailak abisu horia aktibatuko du ostegunean haizeagatik eta alerta laranja, olatuengatik. Bestalde, Aemetek abisu horia ezarriko du Nafarroa iparraldean eta Erriberan haizeagatik. Gainera, Meteofrancek alerta laranja iragarri du haizeagatik eta olatuengatik Ipar Euskal Herria barne hartzen duen Pirinio Atlantikoetan.
Uda sasoiko giroa atzean utzi eta eguraldi aldaketa iritsiko da iluntzetik aurrera Euskal Herrira. Benjamin izeneko (Meteofrancek horrela izendatu du) borraska batek 100 km/h-tik gorako haize ufadak eta 5 metrotik gorako olatuak eragingo ditu datozen orduotan Euskal Herrian.
Hori dela eta, Eusko Jaurlaritzako Segurtasun Sailak abisu horia ezarriko du asteazken gauetik aurrera (osteguna barne) 100 km/h-tik gorako haize boladak espero direlako.
Haizeari dagokion abisu horia 21:00etan sartuko da indarrean. Haize tokietan 100 km/h-tik gorako boladak neurtu daitezke, bereziki mendebaldean eta hegoaldean. Gainerako tokietan ere haizeak gogor joko du.
Ostegunari begira, haizeari dagokion abisu horia eguerdira arte egongo da indarrean.
Gainera, nabigaziorako alerta laranja indarrean egongo da kostaldean, 08:00etatik 14:00etara, 5 metrotik gorako olatuak espero direlako. Aurretik eta ondoren abisu horia aktibatuko da.
Horrez gain, itsasaldeko arriskuagatik abisu horia ezarriko du Segurtasun Sailak 08:00etatik 14:00etara, eta arreta eskatu du bereziki pasealeku eta malekoi inguruetan.
Abisuak eta alertak Nafarroan eta Ipar Euskal Herrian, ostegunean
Nafarroan, haizeari dagokion abisu horia 03:00etatik 18:00etara egongo da indarrean iparraldean, eta 03:00etatik 14:00etara, berriz, Erriberan.
Gainera, Meteofrancek alerta laranja iragarri du Pirinio Atlantikoetan, haizeagatik (06:00-15:00) eta olatuengatik (04:00-10:00).
Eguraldiari buruzko albiste gehiago
Udazken giroa eta zaparradak astea hasteko, azken asteotako joera hautsiz
Astelehenean, zerua lainotuta egongo da eta zaparrada batzuk botako ditu, batez ere kostaldean. Asteartea ere antzekoa izango da, baina asteazkenean hodeiak bakandu, eguzkia atera eta tenperaturak gora egingo du.
Lemmon kometa, 1.350 urte eta gero berriro ikusgai
Lemmon kometa lurretik ikus daiteke berriro ere, 1.350 urteko orbitaren ostean. Hain zuzen ere, lurretik ikusi zen azken aldia VII. mendean izan zen. Datorren asteartean izango da lurretik gertuen igaroko den eguna; hain zuzen, 89 milioi kilometrora.
Asteburua eguzkiarekin hasiko da eta igandean euri txikia egin dezake isurialde atlantikoan
Eguraldi eguzkitsua nagusituko da ostiralean eta larunbatean, baina hodeiak itzuliko dira igandean, eta euri txikia egingo du isurialde atlantikoan.
Eguraldi eguzkitsua, oro har, eta ekaitz eta zaparrada arriskua hegoaldean
Datorren astean, eguraldi eguzkitsua izango da, tenperatura epelarekin, eta hurrengo asteburuari begira, tenperatura igoera eta zerua are gehiago argitzea espero da.
20 gradutik gorako tenperaturak eta giro eguzkitsua asteburu osoan
Hegoaldeko haizea ibiliko da, eta tenperatura maximoak 25 gradu ingurukoak izango dira. Badirudi datorren astean ere ildo horri helduko diola eguraldiak.
Eguzkiak aginduko du hurrengo ordu eta egunetan
Astelehenean eta asteartean maximoak 20 gradutik gorakoak izango dira, nahiz eta goizaldean giroa nabarmen freskatuko den.
Nabarmen freskatuko du igandean
Tenperatura larunbatekoa baino askoz freskoagoa izango da, eta euria egingo du han-hemen.
Hodeiak gaur eta bihar, euria igandetik aurrera
Ostiralean eta larunbatean hodeiak izango dira, baina ez du euri askorik egingo; igandean, berriz, prezipitazio txikia egongo da isurialde atlantikoan, eta tenperaturak behera egingo du. Astelehenean, ezegonkortasunak jarraituko du, zerua hodeitsu egongo baita eta balioak aurreko egunetako oso antzekoak izango baitira.
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.