Tenperaturak nabarmen igoko dira gaurtik, eta 40 gradu inguruko hainbat egun itogarri izango dira jarraian
Muturreko tenperaturak espero dira, gutxienez, asteazkenera arte, eta alerta laranjak ezarriko dituzte EAEn zein Nafarroan, beroagatik eta sute arriskuagatik.
Donostiako Kontxako hondartza, aste honetan. Argazkia: EFE
Bero sapa batekin iritsiko da uda bihar, eta ez du atsedenik emango, gutxienez, astelehen iluntzera arte. Gaur arratsaldetik, tenperaturek abailan egingo dute gora, bihar eta etzi 40 gradutik gorako tenperaturak harrapatzeraino.
Agertoki horrekin, Eusko Jaurlaritzako Segurtasun Sailak alerta laranja ezarriko du igande goizean EAE osoan —asteleheneko 20:00ak arte egongo da aktibatuta—, sute arriskuagatik, eta abisu horia, beroagatik.
Euskalmet Euskal Metereologia Agentziaren aurreikuspenen arabera, bihar eta etzi bero itogarria egingo du; tenperatura maximoak 35 eta 40 ºC artean kokatuko dira Araban, Bizkaian eta Gipuzkoan. Oro har, hego-ekialdeko haizea ibiliko da, baina kostaldean brisa altxa daiteke, eta horrek apur bat arinduko du beroa.
Gaur, hiru abisu hori
Larunbatean, berriz, hiru abisu egongo dira indarrean. Batetik, Araban, sute arriskuagatik dago aktibatuta abisu hori bat, eta bestetik, 18:00etatik aurrera, EAE osoan beste bat ezarriko dute, ekaitz arriskuagatik: metro karratuko 15 litro ur pilatzea eta orduko 100 kilometroko haize ufadak espero dira hainbat lekutan. Azkenik, hirugarren abisua tenperatura altuengatik dago indarrean, bereziki, Ebro ibarrean.
Nafarroan, muturreko sute-arriskua
Nafarroa osoan ere bero boladak gogor joko du, eta Foru Gobernuak hainbat neurri hartu ditu. Besteak beste, muturreko sute-arriskua ezarri du AEMET Estatuko Meteorologia Agentziak, eta hori dela eta, nekazal-guneetan makineria ez erabiltzea aholkatzen da, gaurko 14:00etatik aurrera, badaezpada.
Bihartik asteartera arte 42 gradu inguruko egunak espero dira Nafarroa osoan.
Zure interesekoa izan daiteke
Eklipseek gizakia beldurtu dute hainbat mendetan
Duela urte asko konturatu ziren eklipseak aurreikus daitezkeela. K.a. 3340. urtean eguzkia erabat desagertu zen, eklipse baten aipu zaharrenaren arabera. Petroglifo bati esker iritsi zaigu horren berri gaur egunera arte.
Alerta laranja igandean Hego Euskal Herri osoan muturreko beroagatik, 40 gradurainoko maximoekin
Eusko Jaurlaritzako Segurtasun Sailak gogortu egin ditu astebururako aurreikusitako abisuak, Hego Euskal Herrian bero handia egingo duelako. Igandea izango da egunik zailena, 40 gradu inguruko tenperaturak espero baitira, eta baso-suteak izateko arrisku handia izango da Araban. Nafarroan ere ezarri dute alerta laranja, 12:00etatik 20:00etara.
Merkurioak goraka jarraitzen du, eta asteburuan muturreko tenperaturak espero dira
Maximoak 30 gradutik gorakoak izango dira Hego Euskal Herriko eremu zabaletan datozen egunetan, eta igandean 40 gradutik gorakoak izan daitezke. Euskalmetek bero handiko asteburua iragarri du, baina ekaitzak izateko arriskua ere badago, bereziki ostiralean.
El Niño inoiz baino indartsuago al dator? Zientzialariak Ozeano Bareari adi daude
NBEren arabera, uda honetan eratzeko % 80ko probabilitatea dago, eta % 90ekoa urte amaierara arte. Ozeanoetako tenperatura errekorra da, goia jo du eta.
Tenperaturen gorakadak ez du etenik, eta abisu horia ezarri dute Araban eta Nafarroan
Tenperaturak 2 eta 3 gradu artean igoko dira, eta maximoak 35 graduren bueltan kokatuko dira.
Asteazkenean bero-sapa itzuliko da
Astelehen eta asteartea tenperatura freskoagoekin helduko dira asteon, eta asteazkenetik aurrera termometroak gora egingo du: 30ºC-tik gorakoak izango dira barnealdean.
40 lagun artatu dituzte beroagatik EAEn, larriena Galipa Mendi Birako parte-hartzaile bat
Bigarren egunez jarraian, 30 graduak gainditu dira EAE osoan. Astelehenetik aurrera beroa pixka bat arinduko da, eta tenperatura maximoek behera egingo dute, oro har, nahiz eta udako giroak jarraituko duen.
Nola eragiten die eguzki-eklipse batek animaliei?
Planetako animalia gehienak eguzki-argiaren arabera jokatzen dute. Beraz, eklipse batek asko eragiten die, baina ez denei modu berean. Batzuek eklipseari begira gelditzen dira, besterik gabe. Beste batzuek, ordea, argi faltara egokitzen dituzte beren jarduerak.
Uda ate joka dela ondo igarriko da asteburuan, eguzkia, beroa eta abisu horia baitakartza berekin
Zeru urdinak eta tenperatura beroak nagusi izango dira Euskal Herri osoan gaurtik gutxienez igandera arte. Gaur, hegoaldean batez ere, berotzen hasiko da, eta larunbatean eta igandean, aise gaindituko dira 30 ºC-ko tenperaturak lurralde guztietan. Kostaldean, abisu horia egongo da indarrean tenperatura altuak espero direlako.