Programazio berezia museoetan, Museoen Nazioarteko Eguna ospatzeko
Asteazkenen honetan, maiatzaren 18an, Museoen Nazioarteko Eguna izango da, eta, hori ospatzeko, museoek sarrerak doan eta programazio berezia eskainiko dute.
Mundu osoko 35.000 museok parte hartuko dute ekimenean, “Museoak eta paisaia kulturalak” goiburupean. Aurten goiburuak agerian uzten du museoek jendea sentsibilizatzeko erantzukizuna dutela, ondare kulturalaren eta naturalaren babesletza aktiboan konprometituta, lurralde geografiko bateko enbaxadore bihurtuz.
Museoen Nazioarteko Eguna duela 39 urtetik ospatzen da, eta herritarrengana hurbiltzeko aukera bikaina da; gizartearen aurrean urtero museoen garrantzia eta beharrizana gogorarazteko modu bat da.
Gure museoak
Euskal museoek ere ekimen honetan parte hartuko dute, eta, gehienek doako sarrerak eta programazio bereziak eskainiko dituzte.
Donostiako San Telmo museoan, adibidez, bisitariak doan sartuko dira museora, eta, besteak beste, ekintza ugari egiteko aukera izango dute. Ekintza interesgarriena museoko klaustroaren inguruan egingo da; izan ere, Udal Musika Eskolak, Francisco Escudero kontserbatorio profesionalak eta Musikenek dantza eta musika ikuskizunak eskainiko dituzte bertan.
Bilbon, bestalde, Guggenheim museoko ateak ere zabalik izango dira, eta, besteak beste, bisitariek Yoko Ono artistaren “Bilborako nahien zuhaitza” lanean nahi edo desira onak konpartitzeko aukera izango dute.
Gasteizen, Artium museoan, aldiz, asteburuan ospatu zuten Museoen Nazioarteko Eguna, kontzertuak eskainiz eta familientzako tailerrak eta bisita gidatuak antolatuta.
Iruñean, Nafarroako museoak ere ateak zabaduko ditu asteazken honetan, eta, besteak beste, hiriburuaren paisaia kulturala ezagutzeko bisita tematikoak egingo dituzte.
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.