Wikimediari buruzku tailerra, Durangoko Azokaren lehenengo egunean
Durangoko Azokaren 51. edizioa nobedadez beteta etorri da. Ostiral honetan, Ikasle Egunean, helduentzako tailer ezberdinak antolatu dituzte. Kabi@ gunean 'Wikipedia Maratoia' antolatu dute eta multimedia fitxategiak Wikimedia Commons-era igotzen ikasteko aukera izan dute bertaratu diren lagunek.
Helduentzako tailerraren helburu nagusia Durangoko Azokari buruzko kategoria sortzea izan da. Iñaki Lopez de Luzuriagak azaldu duenez, Wikimedian ez dago Azokari buruzko kategoriarik. Arrazoi horregatik, parte hartzaileek argazkiak atera dituzte eta Wikimedia Commons-era igotzen ikasi dute.
Wikipedia Commons guneak multimedia fitxategi ezberdinak (argazkiak, mapak, diagramak…) biltzen ditu eta Lopez de Luzuriagak esan duenez, mundu osoko argazki biltegirik handienetako bat da. Hala, bertaratu diren lagunei horren funtzionamendua azaldu die, argazkiak igo eta sailkatzen jakin dezaten.
Lopez de Luzuriagaren esanetan, Wikipedia hornitzeko balio duen biltegia da eta Wiki kodea erabiltzen du. Ildo horretatik, HTML kodea baino sinpleagoa dela aipatu du, baina biak oso antzekoak direla nabarmendu du.
Iñaki Lopez de Luzuriaga Euskal Wikilarien Kultura Elkartearen (EWKE) kide da. 2016ko uztailean sortu zen, eta helburu nagusia euskarazko Wikipedia sustatzea eta garatzen laguntzea da. Euskarazko Wikipedia 2003an agertu zen, edukiak euskaraz argitaratzeko asmoz.
Wikimedia Commons-era igotzen diren argazkiak sailkatu behar direla nabarmendu du Lopez de Luzuriagak, eta horrek bilaketak asko errazten dituela ziurtatu du. "Munduko argazki biltegirik handienetakoa izanik, garrantzitsua da fitxategia sailkatzea, edukia errazago aurkitu ahal izateko", esan du.
Ildo horretatik, unibertso digitalean sailkapenak duen garrantzia azpimarratu du. Gainera, hizkuntza ezberdina erabili arren,, gune horrek paralelotasunak bilatzeko gai dela azaldu du. "Autobusa bilatzen baduzu, automatikoki beste hizkuntzetan igotako fitxategiak ere agertzen dira", nabarmendu du.
pg" />
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.