Sanchez-Camachori egindako espioitzaren auzia artxibatu egin dute
Bartzelonako Auzitegiak Alicia Sanchez-Camacho PPCko buruzagiari ustez egindako espioitzaren auzia artxibatu egin du. Autoak jasotzen duenez, Sanchez-Camachok ikertzaileak barkatu izanak "auzia bide penaletik" kentzea dakar. Ebazpena Auzitegi Gorenean errekurritzea aztertzen ari da Fiskaltza.
Auzitegiko seigarren atalak Francisco Mato Metodo 3 agentziako zuzendaria, hiru langile ohi eta Luisa Bruguer PSCko zuzendariaren behin betiko artxibatzea agindu du. Metodo 3 detektibe agentziak Jordi Pujol Ferrusolaren bikotekide ohiarekin, Maria Victoria Alvarezekin, izandako bazkari bat grabatu zuen 2010. urtean.
Uztailean, Sanchez-Camachok eta Maria Victoria Alvarezek idatzi bat aurkeztu zuten epailearen aurrean. Metodo 3 agentziarekin akordio ekonomikoa lortu ondoren, akzio penalei uko egin zien. Alicia Sanchez-Camachok 80.000 euroko kalte-ordaina jaso zuen.
Sanchez-Camachori bakarmena eskatu eta horrek onartu arren, epaileak ikertzen jarraitzea erabaki zuen, Fiskaltzaren irizpideak aintzat hartuz. Fiskaltzaren arabera, auziak aurrera jarraitu behar zuen tartean interes publikoko pertsona bat zegoelako, eta detektibe agentziarekin lotutako akordioak ez zuelako grabazioa agindu zuen pertsonarengan eraginik.
Auzitegiak orain adierazi duenez, barkamena egonez gero, horrek bide penalari zuzenean eragiten dio. Halaber, ikerketen emaitzak aztertuta, ezin daitekeela hasierakoa ez den beste delitu bat egotzi ondorioztatu du.
Fiskaltza ebazpena Auzitegi Gorenean errekurritzea aztertzen ari da.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".