Mas: 'Kongresuaren ezetzak ez du kataluniarren borondatea geldituko'
Espainiako Diputatuen Kongresuak asteartean aztertuko du Kataluniako Parlamentuak galdeketa egiteko eskumena izateko egin duen eskaria. Kongresuak eskariari "ziurrenera" ezetz esango diola jakinda, Artur Masek adierazi du beharbada lege bati ezetz esan dakiokeela, "baina ezin da Kataluniako herriaren borondatea gelditu", gaineratu du.
Artur Masek igande honetan Generalitatearen jauregiko Sant Jordi aretoan egin den ekitaldi batean zabaldu du mezu hori.
Masen iritziz, Kataluniako herria "modu zibilizatuan, eraikitzailean eta elkarrizketa bultzatuz" mintzatuko da beti, "baina bere nahien defentsan, kalean eta toki guztietan mobilizatuko da".
"Katalunian gertatzen ari dena ez da gutxi batzuen gutizia, askoren nahia baizik. Ez da buruzagi txoriburu gutxi batzuen borondatea", nabarmendu du. Halaber, asteartean Kongresuko eztabaidara ez dela joango iragarri du.
"Ziurrenera ezetz esango digute. Ezetz esaten badigute lege bati emango diote ezetza, baina ezezko horrek ez du Kataluniako herriaren borondatea geldiaraziko", adierazi du. Masen esanetan, Kataluniako prozesu subiranoa "ez da Madrilen amaitzen, beste bide batzuk badaude eta". "Eskumenen transferentzia aukera bat baino ez da", gaineratu du.
Kataluniako ordezkaritza ulermenerako eta adostasunak lortzeko borondatearekin joango da Diputatuen Kongresura, Masen arabera. "Giro ona izatea eta Kataluniak azalpenak emateko aukera izatea espero dut", gaineratu du.
Mas: "Ibarretxeren irudia errepikatzeko nahi dute ni Madrila joatea"
Artur Mas astearteko Diputatuen Kongresuko osoko bilkurara joatea eskatzen dutenek "Ibarretxeren irudia" errepikatzea nahi dute, Masen arabera.
"Kataluniako presidentea hara joan eta handik lur jota ateratzea garaipen handia litzateke beraientzat eta nik uste dut ez diedala irudi hori eman behar", gaineratu du La Xarxa de Comunicacio Locali eskainitako elkarrizketan.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.