'Mendeku pertsonala', Isabel Carrascoren hilketaren hipotesi nagusia
"Mendeku pertsonala" izan da Isabel Carrasco Leongo Diputazioko presidentea hiltzeko arrazoia, Poliziaren hipotesi nagusiaren arabera. Poliziak bi emakume atxilotu zituen atzo, ama-alabak, Carrascoren hilketarekin zerikusia dutelakoan.
Atxilotuetako bat, alaba, orain bi urte kaleratu zuten Diputaziotik, baina, dirudienez, emakumeak epaitegira eraman zuen kaleratzea, kalte-ordaina eskatzeko. Iragan astean, epaileak bertan behera utzi zuen haren eskaera. Isabel Carrasco Leongo Diputazioko presidentea atzo hil zuten, etxetik gertu, Leonen.
Polizia Nazionaleko Operazio Berezietarako Taldeetako (GEO) zenbait agente Bernesga ibaian dira, Leonen, tiroketa jazo zen pasabidearen inguruan, armaren bila.
Pasabideak La Condesa Pasalekua eta Salamanca Etorbidea lotzen ditu, eta gaur goizean zabaldu dute berriro oinezkoentzat. Halere, ibaiaren bi aldeak itxita daude, Poliziak uste baitu tiroak bota zituenak inguru horretan bota zuela arma.
Lekukoek azaldu zutenez, 17:20an emakume batek hiru aldiz tirokatu zuen Isabel Carrasco, Leongo Diputazioko eta Leongo PPko presidentea, ibai baten gaineko pasabide batean. Ondoren, bi pertsona atxilotu zituzten, Leongo Diputazioko presidentearen hilketarekin zerikusia izatea egotzita.
Isabel Carrascoren hil-kapera goizeko 11:30etan ireki dute.
Telebista debatea
Miguel Arias Cañete eta Elena Valenciano PPko eta PSOEko hautagai nagusien arteko debatea atzeratu egin dute eta, azkenik, maiatzaren 15ean, osteguna, egingo dute, bi alderdietatik informatu dutenez.
Oscar Lopez PSOEren hauteskunde kanpainaren koordinatzaileak RTVEri esan dio, bere ustean, Miguel Arias Cañete eta Elena Valencianoren arteko debatea ezin dela gaur egin, Carrascoren hilketak eragindako harriduragatik.
Sozialisten arabera, Lopezek RTVEri eta Telebistaren Akademiari data berri bat jartzeko eskatu die, debatea egiteko.
Bestalde, gaur goizean, PPk jakinarazi du gaur gauean debatea egiteko asmoa duela, bere iritzian, "ekitaldi informatiboa da, ez mitin bat egitea bezala". Azkenik, debatea atzeratu egin da.
Atxilotuak Espainiako Poliziako inspektore baten emaztea eta alaba (55 eta 35 urte dituzte, hurrenez hurren) dira, baina oraindik ez dute esan zer-nolako inplikaziorik izan duten hilketan. Barne Ministerioaren lehen hipotesiaren arabera, "mendeku pertsonala" izan da. Montserrat Triana Martinez Gonzalez eta haren ama, bi atxilotuak, Alderdi Popularreko militanteak dira.
Poliziaren iturrien esanetan, oraindik baieztatu gabe badago ere, amak hiru tiro eman omen zizkion Carrascori, eta, ondoren, ihes egiten saiatu zen, 150 metrora zuen autoa erabiliz. Polizia erretiratu batek, baina, tiroketa ikusi omen zuen, eta horri esker atxilotu zituzten bi susmagarriak.
Ihes egiteko erabili nahi zuten autoaren barruan, eskularru batzuk eta txano bat aurkitu omen zituen Poliziak, baina ez dute arma aurkitu. Ondorioz, oraindik ezin izan dute baieztatzu hilketa egiteko erabili omen zuten arma atxilotu dituzten emakumeen senidearena den. Inspektorea Astorgako Polizia-etxeko burua da.
Gertaerak eragina izan du hauteskunde-kanpainan
Gertaerak hauteskunde-kanpainari ere eragin dio. Mariano Rajoy Espainiako Gobernuko presidentea Valladoliden mitin bat ematekoa zen atzo, baina bertan behera utzi zuten.
Maria Dolores de Cospedal PPko idazkari nagusia astearte honetan joango da Leonera, alderdikideei babesa emateko. Extremaduran ekitaldi bat zuen atzo, Jose Antonio Monago erkidegoko presidentearekin batera, eta bertan zeudenei minutu bateko isilunea eskatu zien, Leongo Diputazioko eta PPko presidentearen heriotzagatik.
EAJk, PSOEk, UPyDk eta IUk ere hauteskunde-kanpainako ekitaldi guztiak bertan behera utzi zituzten.
Edonola ere, euskal alderdi guztiek, PPk izan ezik, kanpainari ekingo diote gaur berriro ere.
.
Elkartasuna
Iñigo Urkullu lehendakariak "harridura eta nahigabea" agertu zuen, Leongo Diputazioko presidentearen hilketaren harian.
Nafarroako Gobernuak ohar bat bidali dio Leongo Diputazioari, Isabel Carrascoren heriotza gaitzesteko.
Bestalde, Andoni Ortuzar EAJko presidenteak esan du, orain arte, "filma estatubatuarretan bakarrik" ikusi izan direla "mota horretako magnizidioak".
Mariano Rajoy presidentea "atsekabetuta" azaldu da, eta "bat eginda egoteko unea" dela azpimarratu zuen.
Alfredo Perez Rubalcaba PSOEko idazkari nagusiak hilketa gaitzetsi zuen, "elkartasuna" agertu zuen eta "besarkada bat" bidali zien Jaendik (mitin bat eman behar zuen bertan) PPko militante eta buruzagiei.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.