Masek kontsulta onartzea eskatu du, gatazka handiagoak saihesteko
Artur Mas Kataluniako presidenteak kontsulta deitzeko legearen izapideak "ez oztopatzeko" eskatu dio Espainiako Estatuari "gatazka handiagoak" saihesteko, eta azpimarratu du Katalunia Estatutan kokatzeko arazoari "irtenbide faltsurik ez emateko" garaia dela.
Masek Ser irrati-katean adierazi duenez, beharrezkoa da kataluniarrek etorkizunerako duten borondate politikoa bozketa baten bidez ezagutzea, nahiz eta Estatuak proposamenen bat egin.
"Hori da aurretiazko baldintza. Egoera honetan, hala egiten ez badugu, irtenbide faltsua emango diogu beste behin, eta baliteke irtenbide faltsurik ez emateko garaian egotea, eta agian denoi komeni zaigu. 78an irtenbide faltsua eman zitzaion, eta orain agerian geratu da hori", gaineratu du Masek.
Buruzagi kataluniarrak jakinarazi du ahal duen "guzti-guztia" egingo duela onartu nahi duten kontsulten legearen bitartez kontsulta deitzeko, baina Estatuari "ez oztopatzeko" eskatu dio.
"Legearen barruan egin nahi dut. Bestela, beste aukera bat utziko digute, hauteskundeen (plebiszitarioak) aukera soilik geratuko zaigu, baina ea ohartzen diren askoz hobeto dela Kataluniako legearekin kontsulta deitzea, gatazka handiagoa sortuko lukeen hauteskunde batzuen esku uztea baino", adierazi du Masek, kontsulta galarazten badute hurrengo pausoak ERCrekin eta ICV-EUiArekin adostu beharko lituzkeela azaldu aurretik.
Espainiako Gobernuak Konstituzioa jarri ohi du kontsulta ez onartzeko arrazoi gisa, baina Masek dio Konstituzioa ezin dela erabili "kataluniarren borondatea zapaltzeko martimuilo bezala", eta "eszeptiko" agertu da PSOEk proposatzen duen Konstituzio erreformaren inguruan.
Horren harira, konstituzio erreforma PPk eta PSOEk elkarrekin proposatuko balute emango omen lioke sinesgarritasuna, eta biek onartuko balute horren inguruko erreferenduma egitea eta bertan azaroaren 9ko kontsultako galderak sartzea.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.