Estatua-Nafarroa Hitzarmen Ekonomikoaren erreforma onartu dute
Estatuaren eta Nafarroako Foru Erkidegoaren arteko Hitzarmen Ekonomikoaren erreforma onartu du gaur Diputatuen Kongresuak. Cristobal Montoro Ogasuneko eta Herri Administrazioetarako ministroaren hitzetan, ez da “pribilegio bat” eta ez ditu “gainerako herritarrak” baztertzen.
Erreformak “Nafarroako herritarren eta espainiarren babesa” duela ziurtatu du Montorok, “erkidego horretako foru erakundeak Espainia ulertzeko modu bat bezala hartzen dituztelako”.
Aldez aurretik, Nafarroako Parlamentuaren oniritzia jaso zuen erreformak. Estatuarekin adostutako akordioa eta Volkswageneko BEZaren ordainketa berretsi zituen Nafarroako Ganberak. Foru Erkidegoaren zerga eskumena jasotzen du arauak eta bi administrazioen arteko gatazka murrizten du.
2 eta 6 artikuluak aldatu dituzte, Nafarroaren zerga eskumena babesteko eta atzeraeraginezko efektuarekin 2013an eta 2014an arautu zituzten zergak barneratu dituzte hitzarmenean, elektrikoak eta nuklearrak esaterako.
Volkswagenen BEZ
Volkswageneko BEZaren 1.500 milioi euroko gatazkari irtenbidea eman zion akordioa ere jasotzen du erreformak. Zorra 800 milioi eurotan geratu da.
Nafarroako hurrengo Gobernuak “autogobernua orain arte baino askoz irmoago defendatuko du”, Uxue Barkos (Geroa Bai) Talde Mistoko diputatuak ohartarazi duenez.
Carlos Salvador UPNko diputatuaren ahotan, hitzarmenaren erreformarekin “Nafarroak etorkizuna du”. Bestalde, “PPren Gobernuak Nafarroaren subiranotasunari eta interesei eraso” egin diela kritikatu du Sabino Cuadra Amaiurreko diputatuak.
Zure interesekoa izan daiteke
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.
Duela 30 urte hil zuen ETAk Isidro Usabiaga, Ordizian
Usabiaga garabi enpresaren jabea oso ezaguna eta estimatua zen herrian. Enpresariak "iraultza zerga" ordaindu zuen, baina ETAk Poliziari laguntzea leporatu zion. Milaka bizilagun irten ziren kalera atentatua gaitzesteko eta Usabiagaren senideei elkartasuna adierazteko.
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.