Kataluniako Estatua sortzeko adierazpena astelehenean onartuko dute
Kataluniako Estatua sortzeko adierazpena eztabaida eztabaidatzeko eta bozkatzeko osoko bilkura datorren astelehenean (azaroak 9) egingo dute Kataluniako Parlamentuan. Junts pel Sik eta CUPek gehiengo osoa dute eta, ondorioz, proposamenak aurrera egingo du.
Aipatzekoa da datorren astelehenean urtebete izango dela Katalunian prozesu parte-hartzailea egin zutenetik.
SiQueEsPot taldeak aurkeztutako ebazpen bat ere eztabaidatu eta bozkatuko dute bilkuran eta gainerako alderdiek bere jarrera erakutsi eta zuzenketak egin ahal izango dituzte.
Horrez gain, Carmen Forcadell Kataluniako Parlamentuko presidenteak jakinarazi du astelehen horretan bertan, arratsaldean, egingo dutela Artur Masen inbestidura saioa.
Bitartean, Junts pel Sik eta CUPek prozesu independentistan urratsak ematen jarraitzen dute. Astelehenean bozkatuko den ebazpena zabaltzea erabaki dute, Kataluniako herritarren ?oinarrizko eskubideak? Espainiako Estatuaren balizko inpugnazioen aurrean babestuta egoteko.
Gauzak horrela, Kataluniako Parlamentutik jasotako aginduak soilik betetzeko eskatu diote eranskin horretan Kataluniako Gobernu berriari.
Espainiako Gobernuaren urratsak
Bestalde, Espainiako Gobernuak iragarri du azaroaren 9an bertan inpugnatuko duela adierazpen independentista.
Justizia Ministerioko iturriek jakitera eman dutenez, Estatu Kontseilua egun horretan bertan bilduko litzateke bere txostena egiteko eta ondoren Ministroen Kontseiluak helegitea Auzitegi Konstituzionalera igortzeko baimena emango luke.
Litekeena da Estatuko abokatuak aurkeztea errekurtsoa Konstituzionalean, baina ez dago baztertuta Mariano Rajoyren Gobernuko ministroren bertaratzea auzitegira.
Horrenbestez, Auzitegi Konstituzionala asteazkenean, azaroaren 11n, bilduko litzateke Espainiako Gobernuaren tramitera onartu eta Kataluniako Parlamentuaren ekimen independentista baliogabetzeko.
Artur Masen inbestidura
Bestalde, inbestidura saioa arratsaldeko 17:00etan hasiko da, Artur Mas Generalitateko jarduneko presidentearen agerraldiarekin. Talde parlamentario guztiekin bildu ostean, Carmen Forcadellek Artur Mas proposatu du berriro Kataluniako presidente izateko hautagai moduan.
Masek nahi haina denbora izango du bere gobernu-programa aurkezteko. Lehendabiziko saioa agerraldi horrekin bukatuko da. Asteartean taldeen txanda izango da eta ondoren Masek taldeei erantzuteko aukera izango du. Amaieran, bozketa egingo dute.
Lehendabiziko bozketan, Artur Masek gehiengo absolutuaren babesa lortu beharko du presidente izateko; gehiengo absoluturik ez badu, bilkura bertan behera geratuko litzateke eta ostegunean berriro egingo lukete agerraldia Masek eta Parlamentuko taldeek.
Bigarren bozketan gehiengo sinplearen babesarekin nahiko izango luke Masek berriro presidente izateko, baina boto nahikorik lortu ezean, urtarrilaren 9a arteko epea izango luke akordio batera heltzeko.
Urtarrilaren 9an inbestidura gauzatzeko itunik ez badu, bi aukera izango dira: oposizioko taldeen adostutako hautagai berri bat aurkeztea edo hauteskundeak deitzea.
Zure interesekoa izan daiteke
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Zapaterok ziurtatu du “inoiz” ez duela Plus Ultraren aldeko gestiorik egin
Gobernuko presidente ohiak adierazi duenez, bere "jarduera publiko eta pribatu guztia legea erabat errespetatuz egin da beti".
Gobernuak espero du “Justiziak justizia egitea” Zapaterorekin, eta haren ondarea defendatu du
Gobernuko bozeramaile Elma Saizek adierazi du pandemian hainbat airelineari emandako maileguek enpresak eta lanpostuak salbatzeko aukera eman zutela.
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzia 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.