Angela Davis, Bilbon: 'Espetxeratzeen amaiera eskatu behar dugu'
Angela Davis ekintzaile politiko estatubatuarrak "espetxeratzeen amaiera" aldarrikatu du ostiral arratsalde honetan, Bilbon.
"Funtsezkoa da aitortzea zigorrek eta ekonomia kapitalistak lotura dutela", adierazi du, Bidebarrieta liburutegian eskainitako "Kartzela kalera! Emakumea eta kartzela" hitzaldian.
Ekintzailearen esanetan, "irabazi asmorik ez duten eta gizartea enpatikoagoa izaten laguntzen duten justizia motak eraiki behar dira".
Davisek salatu du AEB "mundua gidatzen duen espetxe-herrialdea" dela, eta "espetxe eredua" esportatzen ari dela gainerako herrialdeetan. "Kartzelak demokrazia burges berriaren erakunde garrantzitsuenetakoak dira", ohartarazi du.
Angela Davis mugimendu feministaren eta espetxeen aurkakoaren ikurretako bat da mundu osoan, eta ongi ezagutzen du emakume presoek AEBko espetxeetan bizi duten egoera, bera ere preso egon baitzen.
AEBko Alderdi Komunistako kide da, eta ospe handia lortu zuen 60ko eta 70eko hamarkadetan, Pantera Beltzetan zegoela. Rolling Stones taldeak eta John Lennonek abestiak egin izan dizkiote.
Davis Euskal Herrian da egunotan, eta ostiral honetan Bidebarrietan eskainitako hitzaldian emakume presoen drama ekarri du gogora. "AEBn, 200.000 emakume daude preso, hots, mundu osoan espetxean dauden emakumeen herena, eta duela 40 urte mundu osoan zeuden beste", salatu du.
Ekintzailearen hitzetan, "emakumeak gizonak baino modu konplexuagoan dira Estatuaren indarkeriaren biktima, bereziki transexualak".
Davisek konparatu egin ditu "euskal preso politikoak", preso palestinarrak eta beltzen borroka; horregatik, euren arteko "elkartasun harremanak" sortzea proposatu du.
Hitzaldiaren hasieran, Davisek elkartasuna adierazi die "euskal preso politikoei", batik bat Arnaldo Otegiri. Igandean, hain justu, Logroñoko espetxera joango da, ezker abertzaleko buruzagia bisitatzen saiatzeko.
Zure interesekoa izan daiteke
Begoña Gomez epaitzea erabaki du Peinado epaileak eta pasaportea kendu dio
Espainiako Gobernurko presidentearen emazteak ustez egin izango lituzkeen delituak ikertzen ari da epailea eta ahozko epaiketa aurreko fasean hartu ditu kautelazko neurriak. Espainiatik ateratzea debekatu dio eta hamabosetan behin epaitegian agertu beharko du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.