Casadok, Sanchezi: 'Estatu-gizon izan eta inbestidura ahalbidetu'
Pablo Casado PPko Antolaketa Idazkariordeak eskatu dio Pedro Sanchez PSOEko idazkari nagusiari "Estatu gizona izateko", eta inbestidura ahalbidetzeko; halaber, galdegin dio egiteko Espainiaren eta "haren alderdiaren interesen alde", haren interesak baztertuta.
Casado Donostian izan da, Borja Semper Gipuzkoako PPren presidentearekin batera, Haizearen Orrazian egindako ekitaldi batean. Donostiako Aste Nagusia, hain zuzen, atzo hasi zen.
Espainiako herritarrek, PSOEko militanteek ere, ez lukete ulertuko PPk inbestidura blokeatzea, zazpi hilabetean, baldin eta PSOEk, hauteskundeetan, 52 eserleku eta 2,5 milioi botoko aldea atera izan balio PPri. Casadok dio Genovan ere egongo liratekeela manifestazioak jarrera hori gaitzesteko.
PPk ekainaren 26ko hauteskundeetan erdietsitako emaitzak aukera ematen dio Gobernua osatzeko, eta Sanchezek, Casadoren esanetan, ez du zertan egin "Frankenstein alternatiba"; izan ere, "haren baroietako batzuek ere salatu dute". Casadok hala hitz egin du PSOE eta Podemosen arteko balizko akordio bati buruz aritu denean.
Baikor
Casado baikor azaldu da Sanchezen balizko iritzi-aldaketa baten gainean; izan ere, bere ustez, "zentzuduna da jakiteko Espainiako interesak, PSOErenak ere, haren interesen gainetik" daudela: "Espero dut hala egitea".
Ildo horretan, azaldu du Sanchezen ezezkoak arrazoi bat izan lezakeela, alegia, "hauteskundeetan emandako berehalakotasuna, edo, agian, estrategia bat, barne-kalkuluarena, PSOEren etorkizuneko kongresu federal baterako".
Zehaztu duenez, "baliteke Sanchez zain egotea, ea PP eta Ciudadanosen arteko akordia gauzatzen den, eta une horretan erabakitzea abstenitzea edo akordiorako jarrera izatea". Casadok dio espero duela "gehienez jota irailaren hasierarako, edo, ahal bada, abuztuaren amaierarako, Espainiak Gobernua izatea".
PPren Batzorde Exekutiboak asteazkenean eztabaidatuko du ea Ciudadanosek ezarritako baldintzak onartzen dituen, negoziazioa hasteko; Casadok espero du balizko negoziazio hori azkarra izatea, eta PSOEk ere bat egitea.
Albert Rivera, estatu-gizona
Albert Riverak emandako pausuak, Casadoren iritziz, "estatu-gizona dela baieztatzen du", eta espero du Sanchez ere izatea; izan ere, "PSOEk maila eman izan du, historian, Espainiaren une zailenetan".
PSOEk, orain, "aukera du Espainiaren alde zerbait ona egiteko, alegia, legealdia desblokeatzea", abstentzioarekin: "Ezer ez lioke ekarriko, bakarrik litzateke legealdia has dadin".
"Adostuko ditugu legeak banan-banan; izan ere, garrantzitsuenean, hau da, Espainiaren batasunean, terrorismoaren aurkako borrokan edo EBrekin ditugun ekonomia-konpromisoetan, ados gaude", gaineratu du.
"Porrota"
Aldi berean, bere aburuz, porrot bat litzateke Auzitegi Konstituzionalak Arnaldo Otegi Euskal Autonomia Erkidegoko hauteskundeetan hautagaia izatearen aldeko epaia emango balu, eta uste du Otegi zerrendetan agertzea "doilorkeria" izango litzatekeela biktimentzat.
"Otegi terrorista aitortua da, eta bere zigorra bete izanak ez du errugabe egiten", adierazi du Casadok. Gainera, Gabriel Cisneros bere alderdikidea tirokatu zuela gogoratu du, hura bahitzen saiatzen ari zela, eta "ia hil egin zuen", esan du. Horrez gain, Javier Ruperezen bahiketan ere nahasita egon zela gaineratu du.
Zure interesekoa izan daiteke
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Imanol Pradales lehendakariak iragarri duenez, Eusko Jaurlaritza osatzen duten alderdiek, EAJk eta PSE-EEk, jarduera ekonomiko jasangarria errazteko eta arintzeko premiazko neurrien lege-proposamen bat aurkeztuko dute datozen asteetan. Gogorarazi du Politika Orokorreko azken osoko bilkuran konpromisoa hartu zuela Euskadin inbertsio-proiektu estrategikoak martxan jartzea errazteko bide azkar bat prestatzeko. Ekimenaren helburua "autobide arautzaile" gisa definitu duena sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin azken minutura arte ahalegindu nahi du azken urteotan galdutako boto-emaileak berreskuratzen.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko ote duen ala Voxen babesa beharko ote duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.