Rajoyk 'zentzuz' jokatzeko eskatu dio PSOEri
Mariano Rajoy jarduneko Espainiako presidenteak PSOEk azkenean "zentzuz" jokatuko duen guraria agertu du, zeren "hau ez dago aguantatzerik", Gobernurik gabe egotea "egoera zentzugabea" delako.
Paseo luze bat egin eta kafea hartu ostean, hedabideen aurrean adierazpenak egin ditu Ribadumia udalerrian (Pontevedra), eta, esan duenez, hirugarren hauteskunde batzuk egitea "burugabekeria litzateke, Europako inongo herrialdetan gertatzen ez dena".
"Guztiari ezetz esaten egoteak ez du zentzu askorik", baieztatu du Rajoyk, Pedro Sanchez PSOEko idazkari nagusiari erreferentzia zuzena eginez; izan ere, PPren balizko gobernu bat ahalbidetzeari eta alderdi horrek aurkeztuko lituzkeen 2017ko balizko aurrekontu orokorrak babesteari uko egingo diola adierazi du aurreko egunetan sozialisten buruak.
Berak saiatu egin behar duela azpimarratu du popularren arduradun nagusiak, eta hala egingo duela gaineratu du, zeren "PSOE gobernuko alderdi bat, askotan izan da gobernuaren buru, eta bere botoak beharrezkoak dira Espainiak gobernu bat izan dezan".
"(Ciudadanosekin eta Coalicion Canariarekin) akordioa lortuz gero, oraindik ez litzateke nahikoa izango. Nire asmoa PSOEren idazkari nagusiari hots egitea da, zerbait eraikitzeko gai garen ikusteko, hori baita orain garrantzitsuena, ezin baikara gobernurik gabe egon".
"Gobernua eratzea dagokigu, zentzuak esaten duena da", are gehiago bi hauteskunde deialdi igaro ostean, "zentzugabekeria bailitzateke berriz ere errepikatzea".
Akordiorik ez Podemosekin
PSOErekin hitz egiteko PPk inbestiduran porrot egiteari itxarongo diola esan zuen Podemosek astean zehar, eta horren gainean Rajoyk esan du ez duela "inolako akordiorik" izango alderdi morearekin.
"Podemosek bere emaitzak izan ditu, Espainiako gizartearen parte garrantzitsu baten ordezkaritza dauka, baina PSOEren eta Podemosen arteko batura ez litzateke nahikoa izango, alderdi independentista batzuen babesa ere beharko lukete", azaldu du. Horren aurrean, Rajoyk esan du egoera hori ez zaiola iruditzen konponbide ona Espainiarentzat: "Are gehiago, nahiko txarra iruditzen zait", esan du.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.