Seigarren EiTB Focus: Udal eta foru legealdiko erdigunean, balorazioa
2017ko maiatzari dagokion ikerketa kaleratu berri du Euskal Irrati Telebistak (EiTB), alegia, Gizaker inkesta etxeak egindako EiTB Focus. Seigarren alea da honakoa, eta gaurkotasun politiko eta ekonomikoez euskal gizarteak duen iritzia jakitea du xede.
Ekainaren 1ean, ostegunarekin, kaleratu zen inkestaren lehen atala. Udal eta foru legealdiaren erdigunean, erakundeen iritzia emateko eta EAEko hiru hiriburuetako udaletarako boto-asmoaz galdetu zitzaien herritarrei. Ikerketaren datuen arabera, gizarteak ontzat eman du Eusko Jaurlaritzaren (10etik 6.2ko nota jarrita) eta Nafarroako Gobernuaren (5.6ko nota) kudeaketa, eta gaitzetsi egin du Espainiako Gobernuarena (3.5). Bilboko, Donostiako eta Gasteizko udalen jardunak ere herritarren onespena jaso du: Bilbokoa da nota altuena lortu duena 10etik 6,8 balorazioa eskuratuta. Ondoren, Donostiako Udala dago 6ko notarekin, eta, azkenik Gasteizkoa, 5,6ko notarekin.
Boto-asmoari dagokionez, EAJk berriro irabaziko luke Bilbon eta Donostian, botoen ehunekoa handituta eta zinegotzi gehiago lortuta EAEko hiru hiriburuetan. Gasteizen, berriz, PPk irabaziko luke.
Bigarren atala biharamunean, ekainaren 2an, argitaratu zen, foru erakundeen balorazioa eta boto-asmoa hizpide hartuta. Inkestaren arabera, foru hauteskundeak une horretan egingo balira, EAJk irabaziko lituzke Araban, Bizkaian eta Gipuzkoan. Jeltzaleak izango lirateke bozkatuenak hiru lurraldeetako Batzar Nagusietan, eta alderdiak gora egingo luke boto-asmoari dagokionez. EH Bilduk eta PSE-EEk Batzar Nagusietarako aurreko hauteskundeetan lortu zituzten emaitzei helduko liekete, eta PPk eta Elkarrekin Podemosek behera egingo lukete.
Herritarrek Foru Aldundien kudeaketaren inguruan duten iritziaz itaunduta, biztanleen % 79,1ek ontzat jo dute orain arte egindako lana, eta, batez beste, 10etik 6,2ko nota eman diete hiru foru-aldundiei. Ahaldun nagusiak baloratzeko eskatuta, herritarrek 10etik 6 puntu inguruko nota jarri diete.
Estatuko Aurrekontu Orokorren harira EAJk eta PPk lortutako akordioaz eta Kupoa berritzeko ituna izan zituen ardatz EiTB Focusen hirugarren atalak, ekainaren 3an argitaratutakoak. Galdetutakoen gehienen arabera, bi hitzarmenak 'onuragarriak' izan dira Euskadirentzat (horrela erantzun zuten herritarren % 34,9k eta % 37,2k, hurrenez hurren).
Laugarren atalak Nafarroara zuzendu zuen begirada, foru parlamenturako eta Iruñeko Udalerako hauteskundeei begirako boto-asmoaz galdetuta. Horren arabera, Geroa Bai, EH Bildu, Podemos eta I-E alderdiek osatzen duten 'aldaketarako gobernua' indartu egingo litzateke bi parlamentari irabazita. Ondorioz, gehiengoa areagotuko luke eta gobernatzen jarraitu ahal izango luke. Hauteskundeak UPNk irabaziko lituzke, ordezkari bat galduta.
Joseba Asiron buru duen aldaketaren Iruñeko udal gobernua ere hazi egingo litzateke boto-asmoari dagokionez, eta zinegotzi bat gehiago bereganatuko luke. EH Bilduk ere gora egingo luke, eta koalizioko gainerako indarrek, ordea, berdin jarraituko lukete. UPNk lehenengo indarra izaten jarraituko luke, ordekari bat gutxiago lortuta.
2017ko maiatzari dagokion bosgarren eta azken atalak armagabetzeaz duten iritzia galdetu zien herritarrei. Inkestatuen % 78k uste dute ETA lehenago armagabetu beharko zela, eta 10 pertsonatik bederatzik uste dute erakunde armatua behin betiko desegin behar dela.
Fitxa teknikoa
EAEn eta Nafarroan bizi diren 2.350 pertsona (400 Gasteizen eta 150 Arabaren gainerakoan; 400 Bilbon eta 200 Bizkaiaren gainerakoan; 400 Donostian eta 200 Gipuzkoaren gainerakoan; 350 Iruñean eta 250 Nafarroaren gainerakoan).
La= ± % 2,02, konfiantza-maila: % 95, p=q=0´5, datu orokorretarako, ±% 2,34 EAEko datuetarako, ±%4,00 Nafarroako datuetarako, ±%4,18 Arabako datuetarako, ± % 4,00 Bizkaiko datuetarako, ±%4,00 Gipuzkoako datuetarako, ±% 5,24 Iruñeko datuetarako, ±% 4,90 Gasteizko datuetarako, ±%4,90 Bilboko datuetarako eta ±% 4,90 Donostiako datuetarako.
Lurralde historiko, udalerri, sexu eta adinaren arabera geruzatutako zorizko lagina.
Inkesten % 15,3 euskaraz egin dira eta gainerako % 84,7a gaztelaniaz.
Inkesta egindako udalen populazio-tamainagatik haztatutako erabateko emaitzak.
Landa-lana 2017ko maiatzaren 16tik 20ra egin zen telefono bidezko elkarrizketa bitartez.
Inkesten batez besteko iraupena 9,2 minutukoa izan zen; motzenak 6 minutu iraun zituen, eta luzeenak 23 minutu.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.