EAJk irabaziko lituzke foru-hauteskundeak Araban, Bizkaian eta Gipuzkoan
Foru-hauteskundeak orain egingo balira, Euzko Alderdi Jeltzaleak irabaziko lituzke Araban, Bizkaian eta Gipuzkoan, Euskal Irrati Telebistak (EiTB) boto-asmoari buruz eta beste zenbait gairi buruz galdetzeko Euskal Autonomia Erkidegoan eta Nafarroan egindako EiTB Focus inkestak.
Gizaker enpresak EiTBrentzat egin duen makroinkesta egiteko, EAEko hiru lurraldeetako 1.750 pertsona galdekatu dituzte horien boto-asmoaren berri jakiteko, foru-aldundietan legegintzaldiaren erdira iritsi direnean.
Horrenbestez, ikerketaren emaitzen arabera, hauteskundeak orain egingo balira, EAJ izango litzateke alderdi bozkatuena hiru lurraldeetako Batzar Nagusietan, eta gora egingo luke boto-asmoari dagokionez. EH Bilduk eta PSE-EEk Batzar Nagusietarako aurreko hauteskundeetan lortu zituzten emaitzei helduko liekete, eta PPk eta Elkarrekin Podemosek behera egingo lukete.
Araban, EAJ bigarren izatetik lehen postura igoko litzateke botoen ehunekoari dagokionez; EH Bilduk hirugarren indar izatetik bigarren izatera igaroko litzateke; PPk behera egingo luke, lehen postutik hirugarrenera; Unidos Podemos ere jaitsi egingo litzateke; eta PSE-EE eta Ciudadanos, berriz, apur bat igoko lirateke.
Bizkaian, EAJk irabaziko luke berriz ere, eta bigarren indarrari, EH Bilduri, ateratzen dion aldea areagotuko luke. PSE-EEk bere postuari eutsiko lioke, eta Elkarrekin Podemosek eta PPk behera egingo lukete, boto-asmoari dagokionez.
Gipuzkoan ere, EAJ gailenduko litzateke, eta oraingo honetan 7 puntuko aldea aterako lioke EH Bilduri. PSE-EEk, Elkarrekin Podemosek eta PPk behera egingo lukete boto-asmoari dagokionez.
Behin legealdi erdira helduta, hiru foru aldundietan izandako kudeaketaren gaineko iritziari dagokionez, biztanleen % 79,1ek ontzat jo dute orain arte egindako lana, eta, batez beste, 10etik 6,2ko nota eman diete hiru foru-aldundiei.
Bestalde, ahaldun nagusien gaineko iritziaz galdetuta, 10etik 6 puntu edo gehiago lortu dituzte.
Azkenik, hiru aldundietan EAJ eta PSE-EE alderdien artean egindako itunek biztanleen % 57ren onespena erdietsi dute, 10etik 5,3ko batez besteko notarekin.
Fitxa teknikoa
EAEko 1.750 biztanle (400, Gasteizen, eta 150, Arabako gainerako udalerrietan; 400, Bilbon, eta 200, Bizkaiko gainerako udalerrietan; 400, Donostian, eta 200, Gipuzkoako gainerako udalerrietan).
Akats-tartea: ±% 4,18koa Arabako datuetarako eta ±% 4koa Bizkaiko zein Gipuzkoako datuetarako.
Lurralde Historikoa, udalerria, sexua eta adina kontuan hartuta banandutako ausazko lagina. Emaitza nagusiak galdekatutako udalerrien biztanleriaren arabera haztatu dira.
Landa-lana 2017ko maiatzaren 16tik 20ra egin da, elkarrizketak telefono bidezko elkarrizketen bitartez.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.