Podemosek eta I-Ek osoko zuzenketa jarriko diote Poliziaren Foru Legeari
Azken egunotan, Poliziaren Foru Legeak agerian utzi ditu lauko gobernuaren desadostasunak. Nafarroako Podemosek legeari osoko zuzenketa jarriko diola iragarri berri du, eta egoera aldatu ezean, gauza bera egingo duela ohartarazi du Ezkerrak (I-E) ere.
Maria Jose Beaumont Barne kontseilariak urtebete darama legea sindikatuekin negoziatzen. Lege-proposamenari zuzenketak aurkezteko epea irailaren 30ean amaituko da Nafarroako Parlmentuan, eta oposizioak (UPN, PSN eta PP) iragarrita du osoko zuzenketa. Atzo, Nafarroak Podemosek eta I-Ek egin zuten iragarpena.
Mikel Buil alderdi moreko parlamentariak adierazi zuenez, Kontseiluak osoko zuzenketa aurkeztea erabaki du, "legeak ez baitu nahikoa babes jaso". Zuzenketa euren kabuz edo Ezkerrarekin batera aurkeztu aztertu behar dute orain.
Builen hitzetan, ez dituzte oposizioaren zuzenketak babestuko, "beste arrazoi batzuengatik aurkeztu dituztelako". Bestalde, beste aukera batzuk ere aztertzen ari direla esan zuen: "Beste lege-proposamen bat aurkez dezakegu, Podemosek defendatzen duen Foruzaingoa izateko: gertukoa, militarizatu gabea eta bere konpetentziak maila guztietan onartuko dituena".
Marisa de Simon Ezkerrako parlamentariak ere osoko zuzenketa iragarri zuen, "egoerak bere horretan jarraitzen badu behintzat". "Legeak lan aferei eragiten die, eta (sindikatuekin) akordiorik ez badago, atzera botatzeko proposamena eramango dugu Ganberara", De Simonen ustez.
EH Bildu eta Geroa Bai, legearen alde
Kritiken aurrean, legearen defentsa egin zuen Adolfo Araiz EH Bilduko bozeramaileak, eta onartu beharrekoa dela azpimarratu: "Onartu ezean, okerragoa izango da etorkizunean. Lege hau ez edukitzeak Foruzaingoaren garapena izoztuko du".
Podemosek eta Ezkerrak zuzenketa partzialak aurkez ditzaketela ere esan zuen, eta, egoera bere onera ekartzeko, 'Aldaketaren gobernua' osatzen duten lau alderdien bilera deituko duela iragarri zuen.
Ildo beretik mintzatu zen Koldo Martinez Geroa Baiko bozeramailea ere. "Lege hau ez onartzeak, 15/2015 legeak indarrean jarraitzea ekarriko du, horrek suposatzen duen atzera-egitearekin", horren esanetan. "Lege hau babesten ez dutenen erantzukizuna izango da", ohartarazi zuen.
Oposizioak Beaumonten dimisioa eskatu zuen
UPN, PSN eta PPN hasieratik daude legearen kontra. Atzokoan Carlos Garcia Adanerok (UPN), Maria Chivitek (PSN) eta Ana Beltranek (PPN) azpimarratu zutenez, beste taldeek aurkeztutako zuzenketak babesteko prest daude. Gainera, Beaumontek "berehala" dimititzeko eskatu zuten.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.