Catala: 'Sanchez eta Cuixart politikari presoak dira, ez preso politikoak'
Espainiako eta Kataluniako Gobernuetako hainbat kide eta agintari politiko batzuk Jordi Sanchez eta Jordi Cuixart ANC eta Omnium Culturaleko liderren espetxeratzeaz aritu dira. Mariano Rajoyren Gobernuko kide baten ustez, "ez dira preso politikoak"; Podemoseko Pablo Iglesiasek, aldiz, kontrakoa uste du. Generalitatearen esanetan, "funtsezko eskubideen aurkako erasoa da".
Rafael Catala Espainiako Justizia ministroak ez du uste Sanchez eta Cuixart preso politiko direnik, eta Carmen Lamela epaileak "ustez delitu bat egin dutelako" kartzelatu dituela azpimarratu du, ez euren ideiengatik.
Catalaren iritzian, ANC eta Omnium elkarteetako presidenteak "preso dauden politikariak dira, ez preso politikoak".
Uste berekoa da Xavier Garcia Albiol Kataluniako Alderdi Popularreko (PPC) buruzagia ere: "Ez dira preso politikoak, ez ditu-eta inork bozkatu". "Katalunian eta Espainian ez dute inor kartzelan sartzen ideia jakin batzuk izateagatik", gaineratu du. Izan ere, horren esanetan, "Espainia herrialde zibilizatua da, eta demokrazia eta Zuzenbide Estatua errespetatu egiten dira".
Dolors Montserrat Osasun ministroak ere antzeko adierazpenak egin ditu: "Espainian ez dago preso politikorik". Osasun ministroak nabarmendu duenez, ANC eta Omnium Cultural elkarteak "ez dira inoiz hauteskunde autonomikoetara aurkeztu". Montserraten aburuz, "Espainia demokraziarik aurreratuenetako bat da, eta denok gara berdinak legearen aurrean".
Juan Ignacio Zoido Espainiako Barne ministroaren esanetan, "agerikoa da inor ez dagoela preso modu batengatik edo beste modu batengatik pentsatzeagatik, baizik eta legea ez betetzeagatik". Zoidok gogorarazi duenez, "Gobernuaren lana gobernatzea da; epaileek legeak aplikatzen dituzte, eta Estatuko Segurtasun Indarrak arduratzen dira legeak betearazteaz".
Iglesias eta Turull, kritiko
Bestelako iritzia du Pablo Iglesias Podemoseko buruak. Sanchez eta Cuixart kartzelara bidaltzea kritikatu du: "Preso politikoak dira. Bitartean, politikari ustel eta gaizkileek inpunitate guztia dute". Hitz gogorrak egin ditu alderdi moreko buruak Espainiako Justiziaren aurka. Hala, Iñaki Urdagarin eta Rodrigo Rato aske egotea salatu du. Gainera, gogorarazi duenez, "Kongresuak agerian utzi zuen Alderdi Popularrak Barne Ministerioa nahierara erabili zuela katalanen eta Podemosen kontrako froga faltsuak sortzeko".
Jordi Turull Generalitateko bozeramailearen ustez, Sanchez eta Cuixart kartzelatzea "oinarrizko eskubideen kontrako erasoa" da, eta Europari esku hartzeko eskatu dio.
Catalunya Radio irrati katean egindako adierazpenetan, Turullek adierazi du Estatuak "elkarrizketaren bidea zapuztu" duela biak espetxeratuta. Erasoak eraso, Kataluniako Gobernua herritarren agindua betetzeko prest dagoela esan du Turullek.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.