Bi lege proposamen aurkeztu dituzte, krimen frankistak ikertu ahal izateko
Podemos, En Comu, En Marea, ERC, EAJ, PDeCAT, Compromis, EH Bildu eta Nueva Canarias taldeek bi lege proposamen aurkeztu dituzte gaur Espainiako Diputatuen Kongresuan Amnistia Legea eta Kode Penala aldatzeko eta, horrenbestez, frankismoko krimenak ikertzeko eta biktimei erreparazioa emateko.
Testuetako batek 1977ko Amnistia Legaren 9. artikulua aldatzea proposatzen du, ondorengo testua gehituz: "lege honetako xedapenek ez dute galaraziko epaitegi eta auzitegiek ikertzea, epaitzea edo dagokien zigorrak ezartzea genozidio, gizateriaren aurkako delitu, gerra delitu edo giza eskubideen bestelako urraketa larriak egin dituzten pertsonei".
Bigarren lege proposamenak, ostera, Kode Penalaren bigarren artikuluan beste testu hau gehitzea proposatzen du: ez da galaraziko "ekintza bat edota omisioak zigortzea".
Lege proposamenak aurkeztu dituzten taldeek PSOE batu ez izana deitoratu dute; izan ere, alor horretan lan egin badute ere bi lege proposamen horietan ez parte hartzea erabaki dute sozialistek. Dena den, PSOEk Kongresuko bozketan bi lege proposamenak babestea eta horiek aurrera ateratzea espero dute sinatzaileek.
Joan Tardak eta Xavier Domenechek, hurrenez hurren, ERCk eta En Comun Podem taldeek Kongresuan duten bozeramaileek erregistratu dituzte bi lege proposamenak Kongresuan, Podemos, En Comu, En Marea, ERC, EAJ, PDeCAT, Compromis, EH Bildu eta Nueva Canarias taldeen izenean.
Ondoren, Kongresuko lehoiak dauden atarira atera dira frankismoko krimenen aurkako Argentinako kereilaren Espainiako plataformako ordezkariekin batera.
Albiste gehiago politika
Sortuk memoria eta erakundeen aitorpena eskatu ditu Txiki eta Otaegirentzat
Irailaren 27an 50 urte beteko dira fusilatu zituztenetik, eta alderdiak Iruñean egingo den oroimen-ekitaldian parte hartzeko deia egin du. Ekitaldi horiek "mina" eragiten dutela diotenei buruz, Sorturen iritziz, oraindik "lehen eta bigarren mailako biktimak" daude.
Kataluniako Justizia Auzitegi Nagusiak bertan behera utzi ditu ikasgeletan katalana babesten duen dekretuaren hainbat artikulu
Epaiak hamar bat artikulu baliogabe utzi ditu, besteak beste, katalana komunikazio- eta ikaskuntza-hizkuntza gisa eta irakaskuntza- eta administrazio-jardueretako ohiko hizkuntza gisa ezartzen zutenak. Generalitateak helegitea jar dezake.
Euskadiren gaitasun energetikoarekiko konpromisoa betetzeko eskatu dio Pradalesek Sanchezi
Onda Vascari eskainitako elkarrizketan lehendakariak gogoratu duenez, konpromiso hori "udan" gauzatuko zen. "Atzerako kontuan gaude, eta espero dut Espainiako Gobernuak aldebiko bileran emandako hitza betetzea eta planifikazio berrian gai hori konponduta izatea", gaineratu du.
Feijook Sanchezi: "Epaileei, hedabideei eta hautetsontziei diezun beldugarratik bakarrik aritzen zara"
Diputatuen Kongresuan egindako lehen osoko bilkuran ika-mika izan dute PPko buruak eta Espainiako Gobernuko presidenteak. Feijook "inputatu anitzekoa" izendatu du Sanchezen emaztea. Sanchezek, ordea, defendatu du "Gobernu garbia eta funtzionala" duela.
Yolanda Diazek bere gain hartu du lanaldi-murrizketaren porrota, eta mobilizaziorako deia egin du
PPk, Voxek eta Juntsek 177 eserlekuko gehiengo absolutua dutenez, betoa ezarriko diote Gobernuaren arauari, eta parlamentuko tramitetik kenduko dute.
Antxustegik "positibotzat" jo du lehendakariarekin egindako bilera erronda: "Egonkortasun giro politikoa ikusi dugu"
Imanol Pradales lehendakariak Joseba Diez Antxustegi EAJren Legebiltzarreko bozeramailearekin amaitu du alderdiekin egindako bilera erronda. Antxustegik positibotzat jo du ekimena, eta azpimarratu du "egonkortasunerako, elkarrizketarako eta akordiorako giro politikoa" eta "lehendakari bat eta herritarren beharrekin bat datorren Jaurlaritza" ikusi dituela.
Bost eremutan akordioak bilatzeko proposamena helarazi dio Otxandianok Pradalesi, estatus politiko berriaren auzia lehenetsita
Beste lau gai hauetan ere akordiorako aukerak ikusten ditu EH Bilduk: politika klimatikoak, hizkuntza politika, hezkuntza sistema eta administrazioaren eta sistema instituzionalaren modernizazioa.
Pradales lehendakariak Pello Otxandiano hartu du
Imanol Pradales lehendakaria euskal alderdiekin egiten ari den bilera-sortarekin jarraitzen du. Gaur arratsaldean Pello Otxandiano EH Bilduk Eusko Legebiltzarrean duen bozeramailearekin bildu da Lehendakaritzan.
Estatuko fiskal nagusiaren aurkako epaiketa abiatzea erabaki du Auzitegi Gorenak
Alvaro Garcia Ortiz Espainiako Estatuko fiskal nagusiaren kontrako ahozko epaiketa abiatzea erabaki du Angel Hurtado Auzitegi Goreneko epaileak, Isabel Diaz Ayuso Madrilgo presidentearen mutil-lagunaren kasuari buruzko filtrazioengatik, sekretuak zabaltzea egotzita.
Pello Otxandianok uste du Pedro Sanchezek Gazako genozidioaren aurka hartutako neurriak "ondo planteatuta" daudela eta "horretarako unea" zela
Pello Otxandianok ziurtatu duenez, "gobernuak ez dira egoerak eskatzen duen maila ematen ari eta Europar Batasuna ez da existitzen, besteak beste, bere proiektu politikoa Estatu Batuei saldu eman dielako", eta AEB "Palestinan genozidioa defendatzen eta sostengatzen" ari da eta.