Martxoaren 3ko sarraskiari buruzko azalpenak eskatuko dizkio Bruselak Espainiari
Europako Parlamentuko Eskarien Batzordeak gutuna igorriko dio Espainiako Justizia Ministerioari, 1976ko martxoaren 3an Gasteizen izandako sarraskiaren inguruko azalpenak eskatuz. Halaber, Espainiako memoria historikoari buruzko ikerketa bat egin dezala galdegingo die Europako Batzordeari eta Espainiako erakundeei.
Imanol Txasko eta Nerea Martinez Martxoak 3 elkarteko ordezkariak Europako Parlamentuko Eskarien Batzordean izan dira, eta horren ostean etorri da adierazpena.
Gertakari haiek argitzeko eta errudunak zigortzeko Espainiako Estatuak jarritako oztopoak salatu dituzte, eta Espainiako Gobernuak memoria historikoa bermatzeko politikak aztertu eta Europar Batasuneko eta Nazio Batuen erakundeko irizpideetara egokitu behar dituela azpimarratu dute.
1976ko martxoaren 3an, Espainiako Poliziak tiroka hartu zituen Zaramaga auzoko Asisko San Frantzisko elizan bilduta zeuden langileak. Bost behargin hil zituzten eta 150 lagun inguru zauritu ziren.
Txaskok eta Martinezek "egia, justizia, ordaina eta horrelakorik berriro gerta ez dadila" eskatu dute Europako Parlamentuan.
Martxoaren 3ko biktimak terrorismoaren biktimatzat jotzeko eta Espainiak sarraski haren arduradunei ezarritako “zigorgabetasuna” aztertzeko galdegin dute.
Europako Parlamentuko Eskarien Batzordeak esan du horretarako eskumenik ez duela, baina bi gutun igorriko dituela, Espainiako Estatuari gertakari haien inguruko azalpenak eman ditzala eta memoria historikoari buruzko ikerketa bat egin dezala eskatuz.
Bilkuran, EAJko eta IUko talde parlamentarioetako bozeramaileek ere hartu dute hitza. Angela Vallinak (IU) gogoratu du Espainia dela hobi komun gehien duen herrialdea, Kanbodiaren ondotik.
Izaskun Bilbaok (EAJ), berriz, egoera hau konpontzea ezinbestekoa dela eta lehen urratsa Martxoak 3 elkarteak egindako eskaera onartzea dela azpimarratu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.