Franco hobitik ateratzea ahalbidetzen duen erret dekretua argitaratu du gaur EAOk
Larunbat honetan argitaratu du Estatuko Aldizkari Ofizialak Francisco Franco diktadorea Erorien Haranetik ateratzea ahalbidetzen duen erret dekretua. EAOk jasotzen duenez, hemendik aurrera, Gerra Zibileko biktimak "omentzeko eta gogoratzeko tokia" izango da Erorien Harana, eta gudan hildakoen "gorpuak bakarrik egon ahal izango dira bertan".
Atzo onartu zuen erret dekretua Espainiako Gobernuak eta bihar, igandea, sartuko da indarrean.
Erret dekretu horrek 2007ko Memoria Historikoaren Legea aldatzen du, eta horretarako, diktadorearen hilotza lekualdatzeko "interes publiko urgentea eta ezohikoa" dagoela defendatzen du. "Interes publiko hori dela eta", Gobernuak erabakia erret dekretuz hartu dezakeela adierazten du gaurko EAOk; eta horrekin, iaz onartu zen ez legezko proposamena nahiz Nazio Batuek "behin eta berriz" egin duten eskaria betetzen dela.
"Toki horretan Francisco Francoren hilotza egoteak oztopatu egiten du frankismoa ez goraipatzeko betebehar legala, baita gerrako biktima guztiak omentzeko betebeharra ere" dio gaur argitaratu den testuak.
Hala, ekimen honekin egoera honi "amaiera eman" nahi zaiola dio Aldizkari Ofizialak: "Erorien Haranean Gerra Zibilean hildako pertsonak bakarrik egongo dira hilobiratuta, eta ondorioz, hobitik aterako dira Gerran hil ez ziren horien gorpuak".
Horrela, "Erorien Harana, biktima guztien oroimen eta omenaldirako toki izango da".
Prozedura
Datorren ostiralean Ministroen Kontseiluak onartuko duen hasiera-akordiotik 12 hilabeteko gehienezko iraupena izango du prozedurak. Gobernuak, dena dela, urte amaierarako bukatutzat eman nahi du prozesua.
Akordio horren ostean, organo bideratzaile bat izendatuko da eta 15 egun emango zaizkie interesatuei alegazioak aurkezteko eta Francoren gorpuzkia nora eraman nahi dute jakinarazteko.
"Senideen artean desadostasunak egonez gero, edo horiek denboraz kanpo hitz eginez gero, Ministro Kontseiluak erabakiko du non hobiratuko den berriz ere, ehorzte duina bermatuz" dio testuak.
Erret dekretua onartu ostean, atzo, Carmen Calvo Espainiako Gobernuko presidenteordeak komunikabideen aurrean egindako agerraldian, ez zuen toki hori argitara eman nahi izan, baina"duina eta errespetuzkoa" izango dela aurreratu zuen, estatu "garantista" batean izan behar den bezala.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.