Txilerekin 'harreman estuak' indartzeko nahia agertu du Urkulluk
Iñigo Urkullu lehendakariak Txilera eginiko bidaia ofizialaren lehen jardunaldia izan du astelehen honetan, eta Euskadiren eta herrialde horren arteko “harreman estuak indartzeko” asmoa agertu du. Halaber, garapen ekonomikoa bultzatzeko “lehentasunezko kide estrategiko” gisa identifikatu du.
Lehendakaria Carlos Montes Senatuko presidentearekin bildu da Txileko hiriburuan, eta XVII. mendearen azken hamarkadan zein Espainiako Guda Zibilak eztanda egin zuenean herrialdeak euskal herritarrei egindako harrera eskertu dio.
Urkulluk gogora ekarri duenez, Txilek eta Euskadik oso harreman estua dute hezkuntza arloan. Izan ere, unibertsitateko ikasleen trukaketa bultzatzeko sinatutako 24 akordio indarrean daude gaur egun, baita Lanbide Heziketan sinatutakoak ere.
Beste alde batetik, euskal jatorriko herritarrek teknologian, berrikuntzan edota trebakuntzan dituzten ezagutzak Txilen asko eskertzen dituztela nabarmendu du Alfonso Urresti senatari sozialistak. Halaber, Euskal Herrira ikastera doazen txiletarrekin egindako lanagatik eskerrak eman dizkio Urkulluri.
“Elkarrizketarako giro egokia dago, afinitate ona; eta hori oso garrantzitsua da unibertsitateen arteko lankidetzarako, Txile eta Euskadiren arteko hartu-emana bultzatzeko, baita bien arteko negoziazioetarako ere”, nabarmendu du.
Aurretik, ordea, lehendakariak eta Euskadiko gainerako ordezkaritzak Euskadiko eta Txileko Korporazioko ordezkariekin izan dute topaketa. Euskaldunen eta Txilen bizi diren euskal jatorriko herritarren artean harremanak estutzeko asmoa du elkarte horrek.
Eusko Jaurlaritzak Txileko ekonomian duen konfiantza goraipatu du Urkulluk, eta azken hiru urteotan “200 euskal enpresa baino gehiagok sektore anitzeko merkataritza-misioak” egin dituztela esan du.
Gaur egun, euskal jatorria duten 51 enpresa ari dira Txileko garraiogintzan, meatzaritzan, energia-sektorean edota elikadura-sektorean lanean.
Hala, enpresa eta proiektu horiek bultzatzeko asmoa berretsi du Urkulluk, eta “laugarren industria-iraultzari eta etorkizun hurbileko ekonomiaren erronkei erantzuteko” asmoz Eusko Jaurlaritzak proposatutako planaren berri eman du. Besteak beste, zentro teknologiko eta unibertsitateekin batera abian jarritako ekimenak gogora ekarri ditu.
Zure interesekoa izan daiteke
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.