Geroa Bai, EH Bildu, Podemos eta Izquierda-Ezkerra elkarrekin joango dira Senatura
Apirilaren 28ko Espainiako Hauteskunde Orokorretan zerrenda bakarra osatuko dute Nafarroan Geroa Baik, EH Bilduk, Podemosek eta Izquieda-Ezkerrak, eta Senaturako hautagaiekin eta 'Cambio-Aldaketa' izenarekin aurkeztuko dira.
Larunbat honetan aurkeztu dute hautagaitza lau alderdietako ordezkariek. Prentsaurrekoan izan dira Koldo Martinez Geroa Baiko parlamentaria, Itziar Gomez Iruñeko Udaleko EH Bilduko zinegotzia eta koalizio horretako Bakartxo Ruiz eta Miren Aranoa, Ainhoa Aznarez Nafarroako Parlamentuko presidentea eta Mikel Buil Podemoseko parlamentaria eta Iñaki Bernal Unidos Podemos koalizioko Izquierda-Ezkerrako senataria.
Manifestua irakurri dute "aurrerapauso bat" emateko borondatea agertuz. "Duela lau urte egin genuen bezala, erabaki eta indar berberarekin eta azken lau urte hauetan Nafarroa solidario, anitz eta irekia defendatzeko izan dugun sendotasun berberarekin".
Hautagaitza batu honen helburua "Nafarroa Senatua herritarren eskubideak ukatzeko erabiltzearen kontra dagoela adieraztea" da, eta era berean, "ezberdinen arteko elkarrizketa, akordio, aniztasun eta gatazka politikoak konpontzeko bide baketsu eta negoziatuen eredua aldarrikatzea".
UPN, PP, Ciudadanos eta Vox "iragan ilunera itzuli nahian" dabiltzala salatu dute. "Ukatu egiten dute sentsibilitate ezberdinak egon daitezkeela, eskumenak birzentralizatu nahi dituzte eta autogobernua zein Autonomien Estatua desegin".
Azkenik, alderdiok bultzatzen dituzten politikak babestea leporatu diote PSNri.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.