Zigorra Getariako alkateari, taberna bateko zarata ekiditeko neurriak ez hartzeagatik
Gipuzkoako Probintzia Auzitegiak kargu edo lanpostu publikoa betetzeko zazpi urteko inhabilitazioa ezarri dio Nika Lertxundi Getariako jarduneko alkateari, Alde Zaharreko taberna bateko zarata ekiditeko neurriak ez hartzeagatik.
Epaiaren arabera, prebarikazioa egiteagatik zigortu dute, ingurumen gai batean esku ez hartzeagatik.
Aitzitik, Auzitegiak absolbitu egin du Andoni Aristi Getariako aurreko alkatea (EAJ), zarataren nondik norakoak aztertzeko ikerketa bat eskatu zuela argudiatuta.
Halaber, tabernaren aurreko bi maizterrak absolbitu ditu.
Ebazpenean irakur daitekeenez, Nika Lertxundi egoeraren jakitun zen; izan ere, tabernako musikak eta zaratak eragindako kalteen berri izan zuen bizilagunekin egindako bileretan. Halaber, bizilagunek kexak ere aurkeztu zituzten.
Taberna jabez aldatu, eta musika oso altu jartzen hasi ziren. Horrek bizilagunen kexak eragin zituen, eta Aristirekin eta Lertxundirekin bildu ziren gaiari buruz hitz egiteko. Bizilagunei osasunean ere eragin ziela frogatutzat jo du epaileak.
Epailearen esanetan, alkateak erabakiak hartzeko eskumena zuen kutsadura akustikoak kaltea eragiten jarrai ez zezan, baina ez zuen egoerari amaiera emateko erabakirik hartu. "Era arbitrarioan" jokatu zuela uste du epaileak, jabeak taberna utzi zuenean amaitu zelako zarata.
Bestalde, Gipuzkoako Probintzia Auzitegiak hiru urte, sei hilabete eta egun bateko espetxe zigorra ezarri dio tabernako maizterrari. Horrez gain, 1.200 euroko isuna ordaindu beharko du eta ezingo du urtebetez ostalaritzako negoziorik izan. Erantzukizun zibil gisa, ostera, 23.000 euroko kalte-ordaina eman beharko die kaltetutako zortzi bizilagunei.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".