Udaletako kontuak aurrekontuen negoziazioetatik bereizi behar direla dio Erkorekak
Josu Erkoreka Eusko Jaurlaritzako bozeramailea pozik agertu da EAJ eta PSE-EEk udal eta foru erakundeetan gobernatzeko akordioa berretsi izanagatik, "gizarteak babestu baitu alderdi biek batera egindako lana".
Pedro Sanchez Espainiako Gobernuko presidente inbestitzeko negoziazioen harira, "Madrili eskatzen diogu EAEko agendarekin bat etortzeko eta egiteke dauden transferentziak, inbertsio estrategikoak eta garapen ekonomikoari ekin diezaiola".
Hala ere, gobernu baten eta hurrengoaren arteko eteteak beti ondorio negatiboak dakartzala deitoratu du, eta horren ildotik, "Meritxell Batet Kongresuko presidente izendatua izan eta gero, solaskiderik gabe gelditu dela" salatu du. "Ez daukat nori deitu eskumenen transferentzien egutegiaren inguruko elkarrizketak berriro abiatzeko", gaineratu du. Bestalde, legealdiaren bermea lortzeko PSOEk dituen zailtasunen harira, "betoak eta lerro gorriak ertzera hurbildu eta Gobernuaren egonkortasuna aurkitzeko elkarrizketa sustatzea" aproposena izango litzatekeela azpimarratu du Eusko Jaurlaritzako bozeramaileak.
Larunbateko udalen osaketan EAJk eta PSE-EEk EH Bilduri hamaika alkatetza kenduko dizkiola eta horrek abertzaleek aurrekontuak babesteko estrategian ondorioak izan ditzakeela ikusita, Erkorekak esan du "gauza batek ezin diola besteari kalte eragin". Horrenbestez, "oposizioaren proposamenak alderik alde entzuteko prest gaude, gutxiengoan gobernatzen dugulako", esan du. Hori horrela, "haserrealdia izan arren, udaletan larunbatean gertatzen dena Legebiltzarrean egingo dutenetik bereizi behar dute, ezin baitute Legebiltzarreko lana udalen osaketara baldintzatu", azaldu du.
Osakidetzako azken lan eskaintza publikoan izandako irregulartasunen inguruan eta Nekane Murga Osasun sailburua azterketen filtrazioen berri zuela dioten informazioen harira, Erkoreak "garrantzirik gabeko datua dela" esan du, "inoiz ez baita Osakidetzako epaimahaikide izan, eta orain dela 15 urte komentario bat egin bazuen ere, horrek ez du harremanik bere erantzukizun politikoarekin". "Ez gaude Watergate kasuan", gaineratu du. "Ulergarria da oposizioa espantuka ibiltzea, oinarri gabeko salaketak egiten, Legebiltzarreko jokoa baita, baina ez dezagun kontua senetik atera", azpimarratu du.
Euskaltel eta Zegonaren harira, "deserrotzeko beldurrak oinarrik ez duela" azaldu du. Hala ere, langileen urduritasuna ulertzen duela esan du. Ildo horretan, akordioak eta kontsentsua beharrezkoak direla azpimarratu du, "inork ez dezan uste proiektua soberan dagoenik". Horrenbestez, sustraitzea ziurtatuta dagoela esan du.
Kataluniako politiko independentisten Auzitegi Goreneko epaiketaren inguruan, berriz, "zaila da erabateko indarkeria adierazpena egon izana baloratzea. Bai, ordea, adierazpen puntualen bat, baina ez auzipetuek bultzatutakoak. Katalunian gertatutakoak ez du matxinada izateko garrantzirik ezta tamainarik ere", azaldu du.
Euskal gizarteak Kataluniako auziari ematen dion babesagatik galdetuta, Erkorekak "gertutasun, solidaritate eta injustizia irudipena badagoela" esan du, baina "zer gehiago egin dezakegu?", galdetu du. Horrenbestez, Kataluniako prozesuaren antzeko bidea jarraitzeko aukera baztertu du.
Zure interesekoa izan daiteke
Zaballako preso baten heriotza salatu eta gardentasun handiagoa eskatu dute
Salhaketa Araba elkarteak gertatutakoari buruzko gardentasun handiagoa eskatu du, eta zalantzan jarri du hil aurretik 60 urteko presoari emandako arreta. Elkartearen esanetan, gertatutakoa "ezin da gertaera isolatu gisa ulertu".
Segurtasunaz gehiago eta eskumenez gutxiago arduratzeko gomendatu dio PPk Zupiriari
PPren Legebiltzarreko bozeramaileak deitoratu duenez, sailburua "ez dago egon behar duen horretan", eta "segurtasunaz eskumenez baino gehiago kezkatuko balit", bere ustez, "polizia hobeto hornituta egongo litzateke".
Ceutara legez kanpo iritsi diren herritarrak berehala Marokora itzularaziko ditu Espainiako Gobernuak
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal ingurutik sartu dira, batzuk igerian eta beste batzuk kostaldetik oinez.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.