Sanchezek ez dio telefonorik hartu Torrari, asteburuan bi aldiz deitu dion arren
Quim Torra Kataluniako presidentea bi aldiz saiatu da asteburu honetan Pedro Sanchez Espainiako presidentearekin telefonoz hitz egiten, baina ez da posible izan, Sanchezek telefonoa hartu ez diolako.
Larunbat goizean prentsaurrekoa eman zuen Torrak eta Kataluniako egoerari irtenbide politikoa emateko elkarrizketari ekiteko 'eguna eta ordua' zehazteko eskatu zion Espainiako presidenteari.
Ondoren, telefonoz deitu zion, baina ez zion hartu. Aitzitik, Moncloak erantzuna komunikabideen bidez plazaratu zuen, indarkeria "erabat" gaitzesteko eskatuz. Horren aurrean, Generalitateko presidenteak gutuna bidali zion Sanchezi 'zuk ez didazu indarkeria gaitzesteko leziorik emango' esanez, eta gutuna bera publiko egin zuen bere Twitter kontuan.
"Kataluniarren ordezkariarekin hitz egiteari uko egitea eta, are okerrago, inolako elkarrizketarik ez nahi izatea" leporatu zion Torrak Sachezi.
Igande honetan berriz ere deitu dio Torrak Sanchezi, baina oraingoan ere ez dio hartu Espainiako presidenteak.
Espainiako Gobernuaren izenean, Fernando Grande-Markaskak egunotako indarkeria gaitzesteko eskatu dio Torrari "modu irmoan, ezbairik gabe, adjektibo gabe eta ekidistantziarik gabe" Sanchezekin hitz egin nahi badu.
"Inor ezin da anbiguoa izan ekintza bortitzen aurrean" adierazi du Marlaskak. "Sanchezek argi utzi du gaitzespen zuzena espero duela, bai Torraren aldetik baita Kataluniako Gobernuaren aldetik, eta era berean, Estatuko Segurtasun Indarrekiko elkartasuna adieraztea ere espero duela" gaineratu du.
Carmen Calvo Espainiak presidenteordeak ere zentzu berean hitz egin du: "Quim Torra ez da oraindik jabetu kataluniar guztien presidentea dela" eta "bere lurraldean gertatzen ari den indarkeria gaitzetsi behar duela".
Espainiako Gobernuak Kataluniako krisiaren gainean duen jarrerari buruz, berriz, Calvok ohartarazi du ez dutela zalantzarik izango "neurri gogorrak" hartzeko baina ezta "irtenbide politiko bat bilatzeko elkarrizketa hasteko ere". "Ez dugu zalantzarik egingo erabaki garrantzitsuago bat hartu behar badugu, baina ezta legearen barruan, irtenbide politiko bat lortzeko elkarrizketa hasteko ere" zehaztu du.
Zure interesekoa izan daiteke
Epaileak Jose Luis Rodriguez Zapatero inputatu du 'Plus Ultra auzian', ustez dirua zuritzeagatik
Espainiako Gobernuak Plus Ultra airelineari emandako 53 milioi euroen ustezko erabilera irregularra ikertzen ari da Jose Luis Calama Auzitegi Nazionaleko magistratua.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.