Hautetsien Batzarrak 'proces' auziaren epaia gaitzetsi eta elkarrizketa eskatu du
Kataluniako Kargu Hautetsien Batzarrak aho batez onartu du Auzitegi Gorenak 'proces' auziaren aurka emandako epaia gaitzestea, eta, beraz, zigortutako buruzagi independentista guztientzat amnistia eskatzea. Halaber, Kataluniako gatazka konpontzeko, elkarrizketarako deia egin diote Estatuari.
Horiek dira Kataluniako indar independentistetako 2.000 kargudun hautetsik baino gehiagok asteazkenean onartutako adierazpen bateratuak jasotzen dituen puntu nagusietako batzuk. Besteak beste, ERC, PDCat eta CUP alderdietako zinegotzi, diputatu eta senatariek parte hartu zuten atzo Hautetsien Batzarrak Bartzelonan egindako lehen bileran.
Testuinguru horretan, Auzitegi Gorenak urriaren 1eko erreferendumaren inguruan emandako epaia gaitzetsi du Hautetsien Batzarrak adierazpen horren lehen puntuan, "zigortutako pertsonen eskubide zibil eta politikoak ez ezik, herritarren eskubideak ere urratzen dituelako, eta eskubide horien adierazpena eta erabilera, askatasuna eta disidentzia politikoa zigortzen dituelako".
Horregatik, preso dauden buruzagi independentista guztientzako amnistia eskatu dute, herrialdetik kanpo dauden buruzagiak Kataluniara itzuli ahal izatea eta "errepresio judizial, politiko, sozial, ekonomiko eta polizialaren amaiera". Ildo horretatik, herri mobilizazioaren eta Kataluniako erakundeen subiranotasunaren defentsaren alde egin dute.
Horrez gain, elkarrizketarako deia egin diote Estatuari, eta Kataluniako gatazka "politikara itzuliko duen negoziazio mahai bat" eskatu dute. Alabaina, nazioarteko bitartekaritza beharrezkotzat jo dute helburu hori lortzeko.
"Autodeterminazioaren alde eta Kataluniako herritarrei haien etorkizun politikoa hautetsontzietan erabakitzeko aukera emango dien irtenbide politiko baten alde lan egiten dugu", adierazi du Kataluniako Kargu Hautetsien Batzarrak bart adostutako adierazpen bateratuaren azken puntuan.
Kudeaketa batzorde batek batzar hori zuzentzeko lan egingo du hemendik aurrera, eta hurrengo batzarrean eztabaidatu eta bozkatuko den gobernantza proposamen bat egiteaz arduratuko da. Halaber, sinatzaileek eskubide zibil, sozial eta politikoak babesteko konpromisoa hartu dute, baita "errepresioa pairatzen dutenen alde" egoteko ardura ere.
Halaber, Spain, seat and talk ekimena bultzatzeko konpromisoa hartu dute. Zehazki, udal, autonomia eta estatu mailako erakundeetako hautesleekin hitz egitea du helburu, "errepresioa, Estatuaren atzerakada demokratikoa eta elkarrizketarako deia egiteko". Buruzagi independentistek nazioartera zabaldu nahi dute egitasmo hori.
Zure interesekoa izan daiteke
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.