'Proces' epaiaren aurkako erreakzioaren helegiteak aztertzen ari da Konstituzionala
Auzitegi Konstituzionaleko Osoko Bilkura 10:00etan bildu da, Kataluniako Parlamentuko Mahaiaren erabakien aurka Pedro Sanchezen Gobernuak aurkeztutako epaia betearazteko azken hiru intzidenteak onartu ala ez aztertzeko. Mahaiak autodeterminazio eskubideari buruz edo Monarkiaren gaitzespenari buruz eztabaidatzeko gogoa berretsi du, berme auzitegiko iturriek Europa Press albiste-agentziari jakinarazi diotenez.
Kataluniako Parlamentuko Mahaiak Junts, ERC eta CUPen proposamen bat tramitera onartzeak Auzitegi Konstituzionalak 2015ean eta ondorengo urteetan emandako epaiak urratzen dituela azpimarratu du Espainiako Gobernuak.
Ministroen Kontseiluak joan den ostegunean erabaki zuen Konstituzio Auzitegira jotzea, azken ebazpen horiek Konstituzio Auzitegiak urriaren 10ean eta 16an emandako bi probidentzia urratzen dituztela iritzita. Probidentzia horietan, Quim Torra Generalitateko presidenteari, Roger Torrent Kataluniako Parlamentuko presidenteari eta Kataluniako Parlamentua zuzentzen duen organoko kide bakoitzari ohartarazi zien, ebazpen horiek kontuan hartzen ez bazituzten "balizko erantzukizunak, zigor-arlokoak barne, izan litezkeela".
Era berean, aurkeztutako hirugarren intzidentea Mahaiak berak PSC, CS eta PP alderdiek aurkeztu zituzten berraztertzeko eskaerei uko egitearen aurkakoa da.
Osoko Bilkura 10:00etan hasi da, eta kontsultatutako iturrien arabera, ziurrenik tramitera onartuko dira betearazpen-intzidenteak, bermeen auzitegiak aurreko asteetan egin duen bezala, Espainiako Gobernuak ildo horretan planteatutakoekin.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.